註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我因單邊鼻塞，睇過其他專科醫生，有電腦掃描報告，其他報告，我用醫療咭睇佢，想問多一個專業意見，我登記坐係出面姑娘態度真係馬馬，之後有病人打電話嚟診所問野，聽倒d姑娘對答，態度真係差到。。。
醫生只係望兩眼我d報告，佢見我d報告，就問我係唔係只係想要多個意見，我話係，佢就好似冇乜心機睇我咁，之後攞個野睇一睇我個鼻，話只係鼻竇炎，可以食藥，我話我食過十四日抗生素唔好，佢話食三個月抗生素，前一個醫生叫我做手術，所以我好想佢可以詳細，細心睇睇我個病，再決定下一步，但佢嘅專業意見，講左好似冇講過咁，叫我自己諗。（比我感覺好似我用醫療咭，又做左檢查，佢冇咩好做就話開三個月抗生素比我咁，想我嗱嗱聲過主咁）
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
本人曾釘耳骨及懷疑耳骨發炎變形,

最近初帶眼鏡,感到耳廊(眼鏡腳位痛), 原睇伍醫生查詢意見,
講述痛況後,

醫生用"肉眼"睇完就話耳冇發炎,亦未聽過釘耳骨會變形,
便斷言是三叉神經痛,問我要唔要止痛藥,無其他野幫到我,

令人難忘的醫生,絕無下次。
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧

經歷詳述:
之前上網睇過話姑娘態度差，因為用公司卡選擇少唯有試下，點知真係好差。
醫生講解清晰詳細，派藥姑娘問佢d藥係咪同政府開一樣，佢態度勁差咁答: 我唔知你咩藥，咁你要唔要！我問咁呢隻係咪類固醇? 佢答: 係，咁要唔要? 我話如果一樣我就唔要…佢即刻黑面同接待個肥姑娘講，點知肥姑娘態度一樣衰，即時黑面講: 你用卡，報左唔可以取消！好彩呢間診所仲有個好態度嘅跟房姑娘，應該似係阿頭，一句: 幫佢取消，然後再細心解答左我隻藥嘅分別！派藥較高嘅姑娘又問我申唔申請做手術?我話唔做住諗一諗，佢又即刻話: 你唔早d講！
嘩…佢呢個態度好似黑店咁，我嬲嬲地就話: 睇過第2個醫生，派藥較高姑娘即時變面: 哦…咁你喜歡啦！再望住肥姑娘冷笑，肥姑娘再變面講: 下次早d通知
雖然我用公司卡，但我畢竟都係客人，我都從事服務，成間診所得一個跟房老姑娘態度好，一肥一高簡直係倒米，醫生詳盡都難留客！
簡評:
個人觀感- 詳盡親切、耐心施診
經歷過程- 醫護之語調態度令人無所適從
推介意見- 可能人夾人緣自己衡量

經歷詳述:
手術後出唔到聲醫生話手術成功,但我四個月出唔到聲叫做言語治療,呢度幫你唔到．趕人走.做之前好有心機－做完後好慘好慘
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧

經歷詳述:
初初以為找到一個可信任及很有老經驗的醫生,後來完全發覺診症好無耐心及細心,照喉鏡部機顏色已經老化不清楚,感覺他診症對病人好不耐煩,無從病人的角度去想,只感覺付錢買難受,反而姑娘態度好好,絕對不會再去
簡評:
個人觀感- 普普通通、中規中距
經歷過程- 只知取藥付費，未能盡釋疑慮
推介意見- 本人絕對不會再作光顧

註冊專科分類

睇醫生網 Seedoctor