註冊專科醫生/分類

專業治療

分類搜尋

搜尋病症資訊

睇中醫網
註冊中醫

經歷詳述:
我昨晚發101度高燒有些小咳，朝早仲有啲微燒，去睇劉斌，例牌問病徵，之後話我咁高燒，呢排流感高峰期，話開5日抗生素比我但話啲藥會眼訓，因為我工作會接觸危險機器，所以話唔要抗生素，佢即時態度轉變好似好趕時間咁，話咁比返醫療咭嘅藥你，有需要返黎覆診，另外我因為難得出黎睇醫生順便再搵佢幫忙照下個鼻係咪有息肉，點知佢完全冇理會我個問題，我以為佢聽唔到追問多次，佢敷衍話而家淨係睇到紅左，叫我好返再搵佢睇。

真心覺得冇醫德，難道我用醫療咭醫生冇錢袋？點解可以態度咁大轉變？咩叫醫療咭嘅藥，唔同啲？最後開左退燒，傷風，止咳藥各4粒咁多。
真心不會再睇佢！
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 可能人夾人緣自己衡量

經歷詳述:
今次第二次睇劉醫生，記得第一次本身睇開嗰間嘅醫生太多人排隊，而且因為太唔舒服，見冇咩人就入咗去睇。

第一次細菌感染第二次腸胃炎，兩次睇醫生經驗都幾好，醫生感覺都好Nice，同埋都有盡力幫我做晒唔同嘅檢查，比藥之前都會問我想唔想要勁啲嘅抗生素，要嘅先加錢，全程感覺都唔錯。

不過呢個醫生比嘅藥日數較短，可能對某啲病人嚟講要再睇會比較麻煩，但我記得上次食咗三日藥都差唔多好得7788了，同埋我都唔鍾意食咁多藥嘅人，所以對我嚟講都算幾好。不過最吸引嘅係睇醫生呢間真係算幾平，$400吾洗就睇到~

事後上網先見到原來啲cm咁差，但去兩次感覺確實有冇人哋講到咁衰。睇到覺得有少少放戥醫生唔抵，所以想喺度留言，如果唔算太大病，我覺得呢個醫生都值得一試嘅~

簡評:
個人觀感- 詳盡親切、耐心施診
經歷過程- 醫生會主動探索其病因及治療
推介意見- 值得向有需要人仕推介

經歷詳述:
我用医療咭同囝(十三歲)睇感冒，有咳有少少鼻水冇喉嚨痛，未睇医生前，護士已告知用医療咭只有基本药物，医生會比好D药你小朋友，一定至少收$240, 我反問咩叫好D，我仔十三歲，不會當作兒科吧!對話好快被医生聽到，叫我地見医生，医生話普通感冒，會比感冒药，我問會否有咳药水，医生不願答，最後细细聲答「有嘅」。最後並沒收費，比左兩日药，那咳水，傷風药(巳上網查過)通常一日食四次，药袋药水樽寫一日食兩次，即药數量比少左一半。
我想問佢有冇医德，即使我真的誤會药可能真要減半(同網上寫的比較)，哪麼為何我囝未睇医生，護士已通知有医療咭都一定要收$240?!分明亂收药物费，當然如有特效药，會理解要多收費用。這医生就如奸商一樣，更不用講医德

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
好似想你快d走咁，問兩句30秒都冇就耍走左你
朝早時間去都冇人排隊，應該真係太差冇乜人幫襯

簡評:
個人觀感- 普普通通、中規中距
經歷過程- 診証時間極其急趕，快來快去
推介意見- 本人絕對不會再作光顧

經歷詳述:
唔好﹗唔好﹗電話長期無法聯絡﹗食咗藥唔舒服想打去問完全打唔到﹗

簡評:
個人觀感- 普普通通、中規中距
經歷過程- 需要自己主動提出較多的諮詢
推介意見- 在無其他選擇下可一試

註冊專科分類

睇醫生網 Seedoctor