專科分類目錄

黃文昌醫生答問

黃文昌醫生(男)
Dr. WONG MAN CHEONG, DENNIS
牙科
值得推介 : 9

會員#23294 Vivian
牙骹問題
病患者女 - 27歲

呢一年開始我有時打喊露擘大口果陣，牙骹位突然好痛，會合唔埋個口，情況愈來愈頻密，請問應該要睇邊一個專科醫生？
黃文昌醫生回覆
建議諮詢口腔及頜面外科專科醫生，進行臨床及x光診斷
評估牙骹及周邊筋膜狀況，再決定治療方案

Dr. Dennis Wong

會員#23061 Zoe
蛀牙問題
病患者女 - 42歲

醫生你好~
我隻門牙係之前補完甩咗，已經磨到好薄好細，睇過幾個牙醫都話補唔到，所以無理佢，最近牙痛去睇牙醫，話我牙根發炎要杜牙根整牙套，因為係門牙如果要整就兩隻都要整唔係就會鴛鴦色，我覺得隔離嗰隻冇事嘅牙好似好無辜咁，無端端又要磨細佢，請問係咪一定要杜牙根？仲有無其他方法呢？感謝回覆
黃文昌醫生回覆
牙髓受細菌感染後導致牙根發炎，需要透過根管治療（俗稱杜牙根）將牙髓內的神經缐、微絲血管及細菌清除。杜牙根後的牙齒會變得脆弱，顏色亦會慢慢變灰，因此可以透過牙套技術，改善牙齒顏色，並減低牙齒斷裂的機會。
至於鴛鴦色問題方面，其實可以透過精確的對色步驟解決。現今的全瓷牙套技術，配合精準的對色服務，及電腦設計，可以將牙套的顏色及形狀做到跟鄰牙幾乎一樣。因此不一定需要將沒問題的鄰牙磨小。

Dr. Dennis Wong

會員# 梁小姐
麻藥後仍然痛
病患者女 - 27歲

我是一個超級怕痛的病人，本身好易有駐牙，而每次補牙都會要求打麻醉藥。
但是我發現就算打完麻醉藥門牙附近的牙補起來還是會酸痛（已經打了兩支），想問一下醫生，為什麼會這樣呢？
因為我同樣打麻醉藥補後面的牙是不會痛的。
黃文昌醫生回覆
有機會是因為蛀洞太深，太接近牙髓，甚至開始有初期牙髓發炎，以致影響麻醉藥的效力
如屬牙髓發炎狀況，則有需要進行根管治療
此外，可以考慮進行監察麻醉，以減低治療期間的不適及恐懼

Dr. Dennis Wong

會員#22924 Bennylam
牙骹移位？
病患者男 - 27歲

下顎骨向右郁，返回正中左耳會格一聲，向右郁既時候，右邊耳仔下面肌肉就好痠，返回正中就冇聲。
當一張開口，感覺下顎好似會先向右移然後先返回正中間，有時食野左邊耳仔下面就啪一聲。
而家搞到肩膊成痠痛，條頸又係，唔知係唔係牙骹移位，可以搵咩醫生睇？？
黃文昌醫生回覆
根據你的描述，牙骹及周邊組織有機會出現創傷或勞損。
建議先諮詢註冊牙醫、口腔頜面外科專科醫生或修復齒科專科醫生，進行X光及臨床評估，先了解病因（急性/慢性創傷、關節炎、咬合問題等）再決定採取什麼治療

Dr. Dennis Wong

會員#22903 kky
牙骹移位？
病患者女 - 16歲

好耐之前半夜打喊露，個口打太大，合埋之後卡卡聲，冇點理
食野擘大口都會卡。

琴日唔覺意大叫，冇留意太快擘大個口，牙骹即刻好痛好似嚴重咗，瞓覺又酸痛，耳仔面部嗰個位，好酸麻痹痛，開口卡卡聲。

想問係咪牙骹移位？想問下睇家庭醫生有冇用？要睇乜嘢醫生先啱？
黃文昌醫生回覆
根據你的描述，牙骹及周邊組織有機會因為早前過度張口而出現創傷
建議先諮詢註冊牙醫、口腔頜面外科專科醫生或修復齒科專科醫生，進行X光及臨床評估，再決定採取什麼治療

Dr. Dennis Wong

上一頁下一頁

醫務信箱
致黃文昌醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見