專科分類目錄

黃文昌醫生答問

黃文昌醫生(男)
Dr. WONG MAN CHEONG, DENNIS
牙科
值得推介 : 9

會員#22884 Wendy wong
右面牙骹位痛
病患者女 - 48歲

右邊面牙骹位痛，食野及刷牙，個口只可以有限度打開，食野咀嚼都痛，好影響日常生活！
黃文昌醫生回覆
牙骹痛楚、張口幅度減少，導致飲食出現問題，需要諮詢註冊牙醫或口腔及頜面外科專科醫生，以確定成因。常見病因包括：牙骹創傷、牙骹勞損、筋腱發炎、咀嚼肌發炎、長期磨牙、長期依賴一邊咀嚼較硬食物等。
治療方面則視乎病因及嚴重程度，可分為牙骹運動、改善飮食、處方肌肉鬆弛藥物、咬板、注射藥物及冲洗牙骹、手術等。

Dr. Dennis Wong

會員#22667 Lam
牙齒自體移植
請問有沒有牙齒自體移植嘅技術？
黃文昌醫生回覆
有的。牙齒自體移植手術在文獻都有記載。但手術比較複雜，成功機會很大程度視乎移植牙齒的牙周狀況、手術時的創傷程度、受體位置的牙床骨狀況、癒合時的清潔及咬合等因素影響。建議諮詢口腔頜面外科及牙周治療科專科醫生。

Dr. Dennis Wong

會員#22660 Jessica
杜牙根後不適
病患者女 - 30-40歲

在9月頭既時候完成左杜牙根
落埋牙柱
到呢家仲會有不適，去睇過牙髓科醫生，照過x-ray話無發炎
佢話似係我牙肉發炎影响
我就有用牙線既，都覺得果個位用牙線時會怨痛怨痛咁
但無血
平時用條脷去頂隻牙都會有少少「怨」
咁我就仲未做牙套
驚唔知係咪之前杜得唔好
但好似如果一直唔做牙套又唔係幾好
咬野都要就住
真係唔知點好
我已經晚晚用牙線，用埋漱口水
都仲係爭啲，啲牙肉
咁所以唔知係咪牙肉發炎影响
想問下我呢家應該點做？
X-ray係咪會有睇唔到既發炎地方？
黃文昌醫生回覆
倘若牙髓治療科專科醫生判斷牙根沒有發炎，但不適感覺持續，有機會是杜牙根後復原期間的短暫反應，這要視乎該牙齒之前的發炎狀況是否嚴重。此外，亦有機會是牙周出現問題，或牙齒根部出現隱性裂縫。

理論上，牙齒在完成杜牙根後，用牙線時是應該不會出現不適感覺的。

建議先諮詢牙周治療科專科醫生或註冊牙醫，進行牙周評估及相關治療（例如深層清潔）清潔，
同時亦需儘快安排修復齒科專科醫生或註冊牙醫，進行牙套治療，以避免牙齒出現斷裂或滲漏狀況而影響杜牙根的成功率

X光對診斷牙齒及牙床骨是有幫助的，但當然視乎醫生建議照哪類的X光，例如根尖周片或電腦掃描等

Dr. Dennis Wong

會員# mr.kwan
擘唔大個口
病患者男 - 26歲

之前撞親個下巴，之後就譬唔大個口，牙骹痛，咬唔到食物，醫院照過X光話唔關啲骨事，咁係咩問題？係咪牙骹問題？
黃文昌醫生回覆
下巴受撞擊後出現上述狀況，需要諮詢口腔及頜面外科專科醫生，進行電腦掃描，以確定顎骨及牙骹有否出現骨折、移位，及牙骹周邊組織有否出現問題
倘若証實一切無礙，但情況持續的話，則建議諮詢修復齒科專科醫生或註冊牙醫，評估咬合狀況，再決定是否需要進行咬板或其他修復治療

Dr. Dennis Wong

會員#22308 lambi
缺牙
病患者女

醫生你好，我年幾前剝咗一隻大牙，之後一直無再處理缺了牙的位置。

早前一次機會下，去咗做植牙評估，牙醫話如果要植牙要推高鼻竇同加骨粉。想問做呢個手術會唔會有咩後遺症﹖同埋係咪會成功﹖
黃文昌醫生回覆
鼻竇提升術及加骨粉是普遍的手術程序，用於增加牙床骨的高度，以便能夠使用較長的種植體
研究指出，此類手術風險不大，成功率亦高。出現後遺症機會不大（主要是短暫鼻竇不適、輕微出血或流出分泌物）
但當然亦要視乎病人的身體狀況及傷口䕶理。吸煙、慢性鼻竇炎、長期接受骨質疏鬆藥物或類固醇治療、曾接受口腔頜面放射性治療、嚴重糖尿病等，均會影響手術的成功率。
建議諮詢口腔頜面外科專科醫生或註冊牙醫，作詳細病歷及電腦掃描檢查及評估

醫務信箱
致黃文昌醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

黃文昌醫生答問

醫務信箱