專科分類目錄

黃文昌醫生答問

黃文昌醫生(男)
Dr. WONG MAN CHEONG, DENNIS
牙科
值得推介 : 9

會員#24714 onyy1314
植牙
病患者男 - 38歲

我2年前植牙，發覺今日牙套邊位崩左少少。請問有需要換牙套，還是補牙就可以？唔該。
黃文昌醫生回覆
牙套表面一般是陶瓷物料，要修補的話，建議將整個牙套拆掉，然後印模重做。如果只是用補牙材料修補，耐用性會較低。

Dr. Dennis Wong

會員#24570 Karen
已杜牙根的牙肉上生牙瘡
病患者女 - 27歲

你好我兩星期前發現生左牙瘡睇左一個普通同手術專科醫生專科話係十多年前杜左牙根的牙齒生了瘡建設一係二次杜牙根唔係拔左隻牙再植牙想問邊個方法較好？我怕二次杜牙根成功率不高最後都要拔牙植牙。約了三星期後見另一個醫生想問咁樣會唔會拖得大遲怕細菌從牙瘡繼續蔓延，謝謝
黃文昌醫生回覆
重做根管治療（杜牙根）的成功率，視乎牙瘡大小、牙冠結構、牙腳有否斷裂等因素影響，建議可先諮詢牙髓治療科專科醫生，評估該牙齒的狀況及重做杜牙根的可行性。
一般來說，視乎個別情況而定，三星期的時間理論上不會有太大問題，但當然能儘早安排便更好。

Dr. Dennis Wong

會員# YY
牙腳留在牙肉內有問題嗎？
病患者女 - 35歲

上排的一隻智慧齒拔了，但留了牙腳在內，約4mm, 但因為牙腳太接近鼻竇而不勉強取出。一星期後拆線，醫生說傷口埋得好好，裡面牙腳沒有發炎。那請問不取出來有沒有問題？
黃文昌醫生回覆
倘若牙腳太接近鼻竇，有機會在拔除時將牙腳或牙齒殘餘碎片推進鼻竇內，導致鼻竇發炎。因此，牙冠切除術可有效避免出現這種情況。只要傷口處理妥當，一般不會出現併發症。近年亦有很多國際醫學和文獻証實這種做法是可行和成功的，也適用於接近神經線的智慧齒手術。

Dr. Dennis Wong

會員# Coey
顳頜關節紊亂牙骹磨蝕點算好
病患者女 - 20歲

醫生我上年年尾冇啦啦擘唔大個口(淨係擘到1cm左右) 擘大個陣會扯住扯住痛我去睇牙醫就話唔關啲牙事

之後我再去睇骨科佢就話我顳頜關節紊亂幫我做咗幾個月針灸但都冇咩好轉

之後我就去睇政府普通科門診就照咗x光話我牙骰關節個軟骨磨蝕咗我呢大半年黎都有keep住食消炎止痛藥

醫生話我都係要繼續食藥等佢自己慢慢好返我宜家個口擘到2cm左右但成日都會痛同埋塊面會有痺痺地既感覺

好似睇極醫生都冇乜好轉咁應該點算好
黃文昌醫生回覆
建議諮詢口腔及頜面外科專科醫生
評估關節磨損成因，並作出適切的治療及跟進
牙骹問題的治療可分為不同階段
屬輕微至中等程度的話，可透過關節運動、熱敷、咬板、藥物治療等控制。至於嚴重的話，則有機會需要於關節位置注射藥物，甚至進行手術。
日常牙骹護理方面，需留意避免長時間咀嚼過硬的東西和口香糖等，亦要避免張口幅度過大。

Dr. Dennis Wong

會員#24362 Chan man yi
拔完牙牙骨移位
病患者女 - 31歲

拔完牙牙骨移位凸出來，吃東西時不方便，有什解決方法呀?一
黃文昌醫生回覆
拔牙後，牙床骨一般需時半年至九個月復原及重塑，期間有機會出現突出狀況
建議諮詢註冊牙醫或口腔頜面外科專科醫生，進行臨床及X光檢查，確定傷口是否存在牙齒碎片、碎骨或死骨等。如果出現上述情況，則需要進行移除。
倘若只屬牙骨突出，則可以考慮觀察，或進行口腔外科手術將突出的牙骨磨平。

Dr. Dennis Wong

上一頁下一頁

醫務信箱
致黃文昌醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見