專科分類目錄

何浩賢醫生答問

會員#25670 Toba
好驚返工
病患者男 - 37歲

我自從6年前確診情緒病之後就好驚返工, 我係強迫加焦慮, 已經食緊精神科醫生口中所講, 最高劑量的藥物, 但我最近一個月, 轉左新工, 份工好chur, 好急, 好趕, 我日日都好驚返工, 有朋友話我咁驚係因為我有焦慮, 我唔知, 再提早見醫生都無藥可加, 最多加血清素, 咁我就覺得唔需提早見, 但...辭職/繼續, 醫生都比唔到意見咖啦.....唉....我想食藥控制自己驚的情緒啫...乜咁難咖...........p.s.我會狂打自己發洩, 但無介手.......
何浩賢醫生回覆
Toba 你好，

當然持續的壓力會對你的病情有影響。不過也可以看看你服用的藥物有沒有可以調校的空間。建議你可以問清楚醫生，或者找多一位醫生看看有沒有多一些意見。如果找另一位醫生記得把所有現時或之前服藥的資料和藥名帶給醫生看。

何浩賢醫生上

會員#26184 Kaka
不知道是不是有抑鬱
病患者女 - 26歲

醫生你好，我係呢幾個月覺有自己好容易有情緒困擾，我對好多事都長期麻木，對好多事都提不起勁，沒有興趣，會覺得很煩，而且我常常會容易煩躁，有時又覺得好自卑，好多野都好擔心，也不想有社交，因為覺得很煩也不舒服，有時會喊，但喊完就會覺得釋放了，感覺上好一點，但不久也開始有同樣以上感覺，所以不確定究竟我是有無病呢？
何浩賢醫生回覆
Kaka 你好，

對事情麻木、提不起勁、沒有興趣、容易煩躁、不想社交等等都是抑鬱症的症狀。哭了可能會暫時釋放，但如果情況持續，便應該看看醫生，可能是因為壓力太持續而出現了情緒問題。當情緒病治好了便能夠回復正常。

何浩賢精神科醫生上

會員#26043 anson
通宵後頭痛
病患者男 - 22歲

有一晚冇到瞓覺，當想休息時覺得個人好亢奮又有啲焦慮既感覺會心跳加快，持續咗兩三日都唔係好瞓到覺，之後去睇醫生食咗啲震靜既藥，亢奮，焦慮同心跳快既感覺好返晒，但之後個腦就一直好似漲住漲住同好緊好似放鬆唔到咁，有少少頭痛既feel持續咗幾日。
何浩賢醫生回覆
Anson 你好，

失眠有時會惡性循環。當你一晚沒有睡覺，之後會擔心休息不夠，但反而有壓力，所以再睡時會有亢奮的感覺。亦可能這段時間你已經在焦慮，而失眠只是身體開始出現問題的訊號。

鎮靜劑只能短暫解決問題，當藥力過後，如果症狀持續，包括你描述的頭像、頭痛、不能放鬆等等，有可能是焦慮症的症狀。如果情況持續，建議你找醫生看看，以免情況惡化。

何浩賢醫生上