專科分類目錄

何浩賢醫生答問

何浩賢醫生(男)
Dr. Ho Ho Yin
精神科
值得推介 : 23

會員#25856 James
早上起身氣頂大腿無力
病患者女 - 69歲

你好醫生，想請教一下我媽媽話佢起身一落床由刷牙開始就會條氣頂住，抖氣唔暢順（但個心無乸住），而且大腿會無力，上星期睇左心臟科照左血管，沒有大問題，亦睇過胃既專科，唔關個胃事，另外媽媽食緊血清素，因為四個月前見到有人跳樓，成日都覺得驚。

想問下係咩原因會導致條氣頂住同大腿無力？呢個情況大約持續左一至兩個月，都冇好轉，會唔會有可能係血清素嘅副作用？又或者做乜嘢檢查先至可以搵到原因？唔該晒
何浩賢醫生回覆
James 你好,

老人家有身體症狀, 首先要排除身體問題。大腿無力有很多原因，例如電解質問題、腦部問題、情緒問題也可以，因此具體檢查還是要跟醫生仔細適量。

藥的副作用也有可能，但要考慮這些症狀從甚麼時候開始，和身體檢查有沒有甚麼不正常才能下結論。

情緒也有可能有影響，尤其是媽媽常常也覺得驚。

所以最好還是做檢查和跟醫生商量調較藥物。

何浩賢醫生上

會員#25840 Shadow Tsang
兒童精神問題
醫生你好，小女11歲，早在幾個月前，不停發出嘻嘻抽搐的怪聲，及久不久就做出抽搐的怪異動作，有時一分鐘有幾次，有時半個中一次，不定。。問她為何這樣，她說控制不了，曾致電老師，問在校有否這樣，老師就說沒有發現她有這樣問題，上年也發生過這樣的情況，心想會否同食物有關。。因她很喜歡食甜食，之後就盡量不給她甜食或剌激性食物，不久就沒有這情況。。但今年又開始這樣，仲嚴重咗，試過無啦啦因為抽搐動作把碗碟也打碎。。想知道她怎會這樣？是精神有問題？是對食物敏感。。。謝謝解答
何浩賢醫生回覆
Shadow 你好，

這情況有可能是抽動症。

這病的症狀有可能時好時差。壓力大的時候會差些。

如果情況持續或者影響生活，可以看醫生，有藥物治療。但如果情況自然消失可以再觀察。

何浩賢醫生上

會員#23506 Lo
喉球症？
病患者男 - 40歲

近這星期，成日覺得喉嚨有野咁，但瞓左無乜感覺，咁啱去照胃，照前有同e生講，照完只有少胃炎，喉嚨睇過無野，咁仲有乜嘢可做，個e生話而家得3個因素：胃炎，鼻敏感同精神問題，請問可以點樣？
何浩賢醫生回覆
Lo 你好，

如果檢查過身體沒有問題，喉部有阻塞確實是常見的焦慮症症狀。但很多人因為以為是身體問題，做了很多檢查也找不到原因，因而愈來愈沮喪。

建議找精神科醫生看看。

何浩賢醫生上

會員#25670 Toba
食完精神科藥會失禁
病患者男 - 37歲

我有強迫焦慮症, 見緊精神科, 但次次加親藥都會失禁, 即係夜晚訓覺時會唔識去廁所, 咁就賴尿, 請問咁係正常嗎?另我因為精神科藥有時唔係咁見效, 所以間中都會偷食多粒鎮靜劑, 請問有關係嗎?要再轉藥定見泌尿科?

希望各位醫生幫幫忙, 代為解答
何浩賢醫生回覆
Toba 你好，

有可能是瞓得太沈引致你不懂起床去廁所。鎮靜劑、安眠藥等睡意重的藥物有可能引致這情況。其他藥物如睡意太重也有可能這樣。

建議跟醫生商量調較藥物。

何浩賢醫生上

會員#25564 Teresa ko
長期處於情緒低落
病患者女 - 50歲

因工作關係，長期處於情緒低落，冇曬信心
何浩賢醫生回覆
Teresa,

工作壓力可能引起抑鬱情緒，但如果情緒持續低落（兩星期以上），失去開心感覺、睡眠、胃口、動力等等出現問題，便可能是抑鬱症，建議找醫生談談。

何浩賢醫生上

上一頁下一頁

醫務信箱
致何浩賢醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見