專科分類目錄

張逸和醫生答問

張逸和醫生(男)
Dr. CHEUNG Yat Wo Eric
精神科
值得推介 : 37

會員#23478 Mike
鎮靜劑副作用？
病患者男 - 18歲

食左兩個幾月Rivotril 夜晚半粒，之後朝早八份一食兩次，Pristiq 50mg朝早一粒，zoloft而家食緊25mg，之前仲要夜晚食今個月4號停左幾日，我而家發現我好似情緒麻木左同埋做乜都無興趣，我就懷疑緊自己係咪有思覺失調陰性徵狀定係D藥副作用，我屋企人都無，我好驚。
我只係想問下意見，唔該唔好叫我去第二度評估。
張逸和醫生回覆
你好Mike，謝謝你的第二次查詢。
在有限的資訊和沒有正式評估之下我未能夠徹底釋除您的疑慮，實在非常抱歉。其實最清楚你的狀況是你的主診醫生，但我估計你想問多個意見。

「情感麻木」(Emotional Blunting) 在精神醫學上其實可以係下列的情況的病徵，包括抑鬱症、焦慮症、創傷後遺症、思覺失調（包括你所講的陰性症狀）、自閉症光譜、藥物副作用（例如抗抑鬱藥、抗精神病科藥物和鎮靜劑藥物）等等。要分辨以上是屬於哪一種是需要一個詳細的精神評估。

重點係點解斷唔到尾？抗抑鬱藥已經減到最少份量，鎮靜劑也試過減到最小。一停就返返轉頭( 腦乏力、諗唔到嘢、情感麻木），在18歲來說有點不尋常，藥物斷藥反應也解釋不到整個情況。在我第一次回覆你的查詢，也有提出情緒是否沒有完全康復抑或是有其他診斷嘅可能性？這個是我以上個人的推測。以上疑問我相信只有徹底完整的的精神科評估才能解答得到。

會員#21822 Shirley Leung
長者情緒問題
病患者男 - 67歲

長者常說自己頭重重，腳軟軟，去年做過腦血管瘤手術，現高壓正常，準時食藥。現有上班，但每下班回家就說自己好唔自然，之前有出現焦慮症，亦有食藥，不過食完一段時間冇食。睡眠，胃口不錯，但與家人相處就多大磨擦，不知是情緒問題，還是頭嘅問題。
張逸和醫生回覆
你好Shirley，謝謝你的查詢。

「頭重腳輕」如果不是天旋地轉( Vertigo )，就是頭暈(Dizziness)。前者最常見的是良性陣發性姿勢性暈眩 (Benign Paroxysmal Positional BPPV )和耳石有關，後者頭暈的成因有很多。我估計你爸爸應該是後者機會比較大。

頭暈的成因有很多，因為有好多身體上嘅器官負責主宰我哋嘅平衡，包括內耳、眼睛、肌肉、中樞神經系統等等。

導致頭暈的成因，包括身體問題例如血壓血糖貧血，長者視力平衡感覺驟降(age diminished visual balance and perception of spatial orientation abilities)問題，耳鼻喉問題，中樞神經系統藥物副作用（例如是血壓藥或者鎮靜劑類型)等等，當然應該排除咗中風的機會。到最後如果排除咗所有身體上嘅問題，頭暈也可以是焦慮症徵狀的其中一種，常見的也伴隨著過度換氣(Hyperventilation)。

爸爸去年做個腦血管瘤手術，睡眠和胃口也沒有問題，「好唔自然」究竟是指什麼？也明白長者有時比較難表達他心理上抑或是身體上不舒服。
建議可以叫醫生做過身體檢查，包括驗血腦素描等等，如果排除了身體上的問題頭暈也沒有改善，也可以帶爸爸看精神科醫生做一個詳細評估幫助你爸爸解決頭暈問題！

會員#23478 Mike
鎮靜劑問題？
病患者男 - 18歲

喺醫生叮囑之下停左四份一 pristiq, 之後愈尼愈諗唔到野，我好驚自己會思覺失調，我等左兩星期之後先 call 醫生，於是我就由4月1號開始pristiq由50mg 食起，過多幾日之後我就開始食rivotril, 我就食呢兩隻藥去到4月27號覆診，喺呢段時間我覺得自己好似越尼越傻，之後情緒開始麻木左，咁令我仲驚。之後醫生再比zoloft，由25mg食起一星期之後加到50mg, 之後朝早要食0.25mg rivotril 六個鐘之後再食多次，加左半粒lorazepam ，然後去到五月中覆診，嗰陣D記憶好似開始有D模糊，之後個腦好空白，同醫生講好攰，之後就減lorazepam到四份一，就叫我6月3開始唔洗食，去到5月31日。我自己將50mg既zoloft減到25mg。我而加覺得好大獲，食左鎮靜劑都應該有九星期，我覺得自己做每件事都無力，好攰，我想問下其他醫生既意見，我好驚自己會思覺失調，我全家都無，我喺八年前踩單車落斜跌傷左嗰頭無睇到醫生，我懷疑自己咁就增加左患思覺失調既機會，仲有喺一年前我阿嫲過左身之後我開始頭暈，之後就開始有疑病症，有排我喉嚨好似有D野，我就Google到瘋狗症，我就諗起幾年前比同學隻狗抓傷，之後search 到一D勁端案例，話好多年後病發，之後我就驚左幾日，以為自己會死死，又起身狂飲水，之後個人就麻木左一排，之後有日朝早起身右手突然麻痺，嘴歪埋一邊，講唔到嘢一陣，勁似中風，我行得走得，應該似係轉化症，之後我仲驚，個腦就越嚟越諗唔到野，我仲去左照腦，乜事都無，之後去睇精神科醫生，之後食藥好番。但係一停藥就有事，我怕第時我要拎白卡生活唔到。我唔想咁後生玩完，屋企人話我係上網查出尼，諗多左，但我覺得唔係。。。。
張逸和醫生回覆
你好Mike，謝謝你的查詢。
抱歉，你的情況比較複雜，藥物實在太多，有兩隻係抗抑鬱藥兩隻係鎮靜劑，又有一系列的症狀，其實在沒有詳細評估過之下根本上是難以診斷是什麼問題。

重點嘅究竟你的「腦乏力、諗唔到嘢」，是否情緒症狀問題，抑或是藥物副作用或是其他問題例如神經衰弱等等。

我也不太認同你屋企人的說話「上網諗得太多」導致，我也覺得你非常困擾，建議你可以嘗試轉換精神科醫生做個完整評估，助你早日找出問題所在讓你早日康復！
張醫生上

會員#23595 SWY
心理扭曲變態？
病患者女 - 16歲

停課的那段時間,我為性傾向煩惱,很大壓力,但之後釋懷了。
之後有一天,突然有割手的想法,但我也不想自殺,就很害怕自己真的會傷害自己,想停止卻停不了。想了想出現這種想法的原因,覺得自己可能是心理變態的,可能這時候就是給了一個心理暗示自己。再後來,我上網查了,覺得自己是強迫症(我不知道是不是),就不理那些想法,想法慢慢消失。。
後來,又出現了很多暴力血腥的想法,我也知道很恐怖,我不知道為什麼會這樣。，我驚會傷害自己傷害人地
有救嗎？
張逸和醫生回覆
你好SWY，謝謝你的查詢！
根據您的描述，這些入侵性重複的非愉快思想，你嘗試反抗但發現沒完沒了，很大機會是強迫症狀！
病向淺中醫，不用擔心是否「有救」，在精神醫學上，藥物配合心理治療能夠讓你早日全面康復。建議你盡快預約精神科醫生及早治療！祝你早日康復！張醫生上

會員# Yu
失眠，焦慮，抑鬱？
病患者女 - 33歲

本人於上月底驗出有進行小手術後就開始失眠，睡頭一覺沒問題，但1-3am不等就醒來不能再入睡，而且是驚醒的心悸情況很嚴重，有驗心電圖檢查應該沒有異常

睡不著我有起床看書坐坐
日頭也嘗試多行山、跑步，但完全無改善
失眠的時候也會胡思亂想，手術後結果也是良性，但我開始擔心自己的身體狀況，雖然體檢報告大致正常，但怕自已會不會突然死亡，或者想起青少年時期不太快樂的回憶⋯⋯很緊張繃緊

其實長大後社交生活不是太好，比較享受一個人的時光，本自得其樂。現在是獨居，爸媽都已離世，其他親人比較疏遠。當年媽媽最後階段都患有嚴重的精神病...

去看了家庭醫生，他開了一隻治焦慮藥晚上服用，本來起初也有不錯效果可睡到天亮，但幾天後效果消失。

請問醫生們有什麼建議診斷？我是否長期都有抑鬱，而只是被單一事件引致病發？謝謝
張逸和醫生回覆
你好YU，謝謝你的查詢！
根據您的描述，早段時間身體健康出現問題，但已經適當地處理根治、但係缺乏家庭社交生活嘅支援、加上媽媽也有過往嘅精神科問題，運動加上家庭醫生嘅治療也未能改善，焦慮和失眠症狀仍然持續。

在精神醫學上已經很大機會出現情緒問題，是哪一個診斷可能需要一個比較完整的精神科評估才能判定，調整藥物配合適當嘅心理行為治療方為上策。

雖然我沒有詳細評估過你的情況，但我估計你擔心身體健康的思想可能已經災難化，加上家族歷史導致你的腦內情緒傳導物質失去平衡，引發了你的情緒症狀。

正所謂病向淺中醫，建議你可以向你的家庭主診醫生商討以上方案，當然也有其他患者會尋求比較徹底和全面的精神醫學治療，助你早日康復！

醫務信箱
致張逸和醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

張逸和醫生答問

醫務信箱