張逸和醫生答問

• 張逸和醫生(男)
  Dr. CHEUNG Yat Wo Eric
  精神科
• 值得推介 : 37

• 會員# Zoloft
• Zoloft
• 病患者女 - 15歲
  
  停藥兩個月，但最近每天睡拾幾小時，現在醫生建議再食Zoloft ，請問早上吃，還是晚上吃好。因之前是早上食，但日日睡到中午，結果沒吃
• 張逸和 醫生回覆
• 你好謝謝你的查詢。
  
  嗜睡十數小時有可能是抑鬱症狀， 所以你的主診醫生建議你服用選擇性血清素回收抑制劑量(SSRI ) Zoloft.
  
  根據我的個人經驗，其實SSRI Zoloft 唔同人食有唔同反應， 有一啲人食完係瞓唔到和精神咗， 亦都有啲人食完好好瞓。 所以隻藥可以早上中午或者夜晚服用，視乎你的反應和副作用。
  
  張醫生上

• 會員#25022 Kiki Wong
• 唔開心
• 病患者女 - 15歲
  
  由疫情開始之後就成日唔開心 晚晚3，4點先瞓 又會有時無啦啦喊 喊喊吓會覺得自己冇用 有時仲會想死左去 由九月開始 開學就好驚 驚冇人陪我 又驚人地唔鐘意同我玩 到呢兩個星期 我經常失眠 有時11:00 上床瞓 4點幾仲未瞓到 有次日頭10點都未瞓到 又成日發惡夢 驚屋企人會離開我
• 張逸和 醫生回覆
• 你好 Kiki， 謝謝你的查詢！
  
  根據您的描述， 自從上一年疫情開始出現了失眠、 抑鬱症狀、 負面思想和做傻事念頭， 到時九月開學時出現了焦慮嘅症狀和很多災難化的憂慮和惡夢。
  
  從字裏行間明白到你的困擾和痛苦， 但請你放心， 只需要經過適當嘅精神科診斷，藥物配合心理行為治療， 這些抑鬱焦慮的症狀其實會很快好轉。
  
  疫情我估計會持續一段時間， 有困難當然要去積極解決， 正所謂病向淺中醫， 在這裏預祝你找到一個好醫生能夠幫到你 令你盡快康復。
  張醫生上

• 會員# Jason
• 懷疑自己冠心病
• 病患者男 - 29歲
  
  今年初曾因為心口壓住壓住、抖唔到氣、心跳快速、四肢麻脾，所以call白車入左醫院，去到醫院抽左血、照x光、心電圖都話正常。
  
  出院後keep住都有心口壓住同埋心無力嘅感覺，有諗過可能係血管問題，去到年中再次類似既情況入院，又係話無問題，跟住自己去左照心臟結構（超聲波），醫生話我心臟運作正常。但心口壓住同心無力既感覺持續都有，近期仲開始出現左手左胸痛牙同喉嚨痛，同埋每日都感受到心跳同好似有早搏既情況。有諗過自己係咪焦慮症，因為兩者情況好似，同埋自己成日都緊張同肌肉崩緊，同埋在街上情況會較明顯，而活動狀態下同靜止狀態下都試過心痛或者出現左手左胸痛同喉嚨痛。所以擔心冠心病，黎緊約左醫生照靜態心電圖，請問靜態心電圖作用大不大？同埋我係偏向精神健康影響還是其他情況呢？謝謝你！
• 張逸和 醫生回覆
• 你好 Jason， 謝謝你的查詢！
  
  根據你詳盡的描述， 做個不同的檢查，心臟結構上沒有太大問題， 雖然我不是心臟專科醫生， 但是心臟科醫生已經排除了冠心病的可能性。
  
  至於另一個問題是否有心律不正， 包括早搏(Ectopic Beats/ Premature Ventricular Contraction PVC)， 在這個年紀青年人身上也是非常常見。 引發的成因可以包括焦慮、 壓力、 失眠、食煙、咖啡或酒精等等。 當然如果年紀大啲嘅話 我會比較擔心之前我哋想嘅冠心病等等。
  
  在我的臨床經驗裏面， 你所描述的一系列症狀， 有很大機會是焦慮症的症狀， 服用一些一線的抗焦慮藥物也能夠輕易處理。 但我也試過有少數個案，在焦慮症醫好之後 ，早搏情況也持續和頻密， 其實也有少量機會可能兩者並存， 如果早搏的情況在24小時 心電圖Holter 檢查非常之頻密 ( 印像中多個20%~最好問一問你的心臟科醫生去確認)， 也有醫生會考慮心律不正的藥物或者手術等等， 去減少後遺症例如心臟發大等等，這個你的心臟超聲波已經排除了。
  
  望以上資訊可以幫到你，張醫生。

• 會員#24507 Jenny
• Pristiq同Zolof一齊食
• 病患者女 - 20歲
  
  你好，之前見到你有人留言，之後你的回覆是Pristiq同Zolof一齊食係有副作用，我想問問是什麼副作用？我現在的搭配正是這樣。謝謝！
• 張逸和 醫生回覆
• 你好Jenny謝謝你的查詢！
  
  抗抑鬱藥物 血清素及去甲腎上腺素回收抑制劑 (SNRI) Pristiq 和血清素選擇性回收抑制劑 (SSRI )Zoloft , 其實大部分精神科醫生也不會將這兩隻藥一齊共用， 除了沒有太多研究數據證實這個配搭非常有效之外， 也會增加血清素綜合症 (Serotonin Syndrome) 的風險，程度可分輕微中度及嚴重症狀：
  輕微症狀：包括心跳加速、血壓提升
  中度症狀：包括體溫上升、手震、流汗、瞳孔放大和肚瀉
  嚴重症狀：發燒、羊癎症 和肌肉分解。
  
  我相信你的主診醫生可能有佢 開這個配搭的原因， 建議你盡早覆診和主診醫生商討，盡快調整藥物。
  
  望以上可以幫到你，
  張醫生上

• 會員#20847 Chun
• 看中醫有影響嗎?
• 病患者男 - 43歲
  
  張醫生好
  本人是您的焦慮癡病症病人
  因本人也是慢性胃炎腸化生病人
  因此想看中醫，但也同時食緊您開的
  pristiq 50mg每天一粒
  pemeron 30mg每天一粒半
  在看中醫前，想請敎一下以上的藥
  可否跟中藥一起服呢?
  會有什麼不良影響嗎?
  
• 張逸和 醫生回覆
• 你好Chun，謝謝你的查詢。
  假期前會比較忙， 中醫藥物有機會和西藥有藥物間互反應( drug drug interaction) ，我會盡量找時間打電話給你詳細傾談。
  
  張醫生上
  

• 上一頁 下一頁

• 醫務信箱

• 致 張逸和醫生 提問:

• 名稱:
  E-mail
  標題:
  患者年齡:
  患者性別: 男 女
  詳細問題
  
  

  ** 相關提問將轉至睇中醫網獲取更多專業意見

• 普通科門診
• 兒科
• 婦產科
• 小兒外科
• 耳鼻喉科
• 皮膚及性病科
• 眼科
• 腸胃肝臟科
• 骨科
• 精神科
• 心臟科
• 泌尿外科
• 外科
• 老人科
• 腎病科
• 血液及血液腫瘤科
• 家庭醫學
• 心胸肺外科
• 內科
• 風濕病科
• 腦神經科
• 腦外科
• 感染及傳染病科
• 內分泌及糖尿科
• 麻醉科
• 內科腫瘤科
• 職業醫學
• 免疫及過敏病科
• 呼吸系統科
• 放射科
• 社會醫學
• 臨床腫瘤科
• 整形外科
• 病理學
• 深切治療科
• 急症科
• 核子醫學科
• 脊骨神經科(脊醫)
• 牙科
Close

• 简体中文
• 搜尋醫生
• 按區搜尋
• 專科分類
• 尋醫報告
• 醫護資訊
• 疾病與病徵
• 醫務信箱
• 即時提問

---

• 使用條款
• 私隱聲明
• 關於我們
• 官方網站
Close