專科分類目錄

張逸和醫生答問

會員# Sam
關於 Seroxat CR
病患者男 - 22歲

醫生你好，本人患有強迫症，我叫醫生開Seroxat給我，於是醫生開咗Seroxat CR畀我，但我上網查過，Seroxat IR 的FDA-approved用途廣泛好多，FDA 冇approve 到CR for OCD, 令我十分擔心，請問CR 對OCD，GAD幫助是否遜於IR ？唔該哂！
張逸和醫生回覆
你好Sam，謝謝你的查詢。

非常抱歉，我甚少用Seroxat IR (Immediate Release) / CR (Controlled Release) 來醫治強迫症OCD，沒有這方面的經驗，沒有太多有用的意見。

正如你所說，我嘗試上網搜尋CR可能沒有太多研究針對OCD。理論上IR和CR 的分別是釋放和吸收藥物的速度有所不同。其實你只需要詢問你的主診醫生為何他選擇CR，有機會他累積了不少經驗處方Seroxat，經過評核估計覺得比較適合你。

張醫生

會員#25670 Toba
食完精神科藥會失禁
病患者男 - 37歲

我有強迫焦慮症, 見緊精神科, 但次次加親藥都會失禁, 即係夜晚訓覺時會唔識去廁所, 咁就賴尿, 請問咁係正常嗎?另我因為精神科藥有時唔係咁見效, 所以間中都會偷食多粒鎮靜劑, 請問有關係嗎?要再轉藥定見泌尿科?

希望各位醫生幫幫忙, 代為解答
張逸和醫生回覆
你好Toba，謝謝你的查詢。

不知道你服用抗焦慮藥物是哪一類型，有少部分嘅精神科藥物可以引致小便失禁，例如鎮靜劑可以放鬆膀胱肌肉，睡得比較深而趕不切去小便。不過這種情況並不常見。有一些比較舊嘅抗抑鬱藥物反而會引致小便困難。

最佳的建議是和你的主診醫生商討失禁的原因，如果是和藥物的劑量和相互反應有關，調整藥物嘅配搭會有幫助。

張醫生

會員#25643 Eddy
困擾 - 未知疾病
病患者男 - 44歲

醫生您好, 從2018年中開始有頭暈, 直至現在也沒能解決, 2019年1月及2021年1月也已經做過很多檢查包括腦/心MRI, 心/下腹CT, 運動心電圖, 驗血, 等等, 結果一齊正常, 但斜床測試係Strong positive, 這兩年我既症狀主要頭暈, 體能轉差, 餐後試過心跳立即上升至115, 有心悸, 有早博, 有段時間呼吸不順要抖大氣, 有段時間喉嚨有頂住感覺, 有段時間會餐後兩小時內肚痾等等, 不適症狀不段循環發生, 近來靜息心率都高於90, 睇過2-3個心臟醫生/家庭醫生都冇方法解決, 只說有可能是迷走神經問題, 請問我應該睇精神科或腦神經科? 萬分感謝
張逸和醫生回覆
你好Eddy，謝謝你的查詢！

相信你已經做過不少詳細的檢查，你的早搏在你這個比較年輕的年紀很大機會是焦慮壓力引發起的。頭暈、臆球症症狀( 喉嚨好像有異物感卡住)、呼吸不暢順、腸胃易激等等也很大機會是焦慮症狀。

明白你這幾年也非常困擾，不用擔心，精神科醫生能夠幫到你。抗焦慮藥物配合心理行為治療也能夠輕易解決。

張醫生

會員#25347 Simon Siu
情緒病是否同性格有關?
你好,張醫生
十幾年前因感情問題而有情緒病,
轉了醫生,現在食, PRISTIQ, 25MG, PRISTIQ 50 MG
同REMERON 15MG, 夜晚要靠安眠藥先可以訓覺
前一排病情都好穩定, 一路都有好轉, 但都要靠半粒安眠藥, 現在試戒階段, 但仍然害怕訓唔著,所以未成功戒除, 所以都有D唔開心, 最近自己發覺好多時胡思亂想,
甚至質疑自己對太太的情感, 但知自己想法好奇怪
,但一有呢種感覺,我就好害怕,想很多負面的事, 其實係唔係自己思維模式都會引發情緒病?
我係唔係要加藥?除了食藥我可以有甚麼方法改變
我好擔心越食越多藥
張逸和醫生回覆
你好 Simon，謝謝你的查詢！

童年經歷會影響每一個人的成長，性格嘅形成，人與人之間的基本信任等等。最常見的例子是完美主義者會比較容易患上強迫症，悲觀性格災難化思想比較容易患上抑鬱症。

抱歉，我不太清楚你最近的精神狀況和診斷，你所描述的情況比較複雜，在有限的資訊下實在不能夠作出任何正確的建議，建議可以和你的主診醫生商討或者找尋另外一位精神科醫生做一個全面嘅評估，助你找出適當的治療。