專科分類目錄

張逸和醫生答問

張逸和醫生(男)
Dr. CHEUNG Yat Wo Eric
精神科
值得推介 : 37

會員#16920 Ms. Tara Chan
長期失眠, 焦慮和驚恐症
病患者女 - 51歲

張醫生, 您好!

本人已經失眠了三十年, 就此原因有嚴重焦慮而變成有嚴重驚恐, 最初是長期服安眠藥Stilnox, 但因轉了藥廠後, 現在服用叫Zolpidem, 雖然醫生說是同一種藥, 但我發覺改了藥後早上醒來極度疲勞, 但到了晚上疲勞又好像消失, 晚上又再服藥, 第二天早上又再疲勞, 比起未服還要累. 但我數年來都是維持半粒 (5mg) 的份量, 請問是否轉了藥廠會有不同反應嗎? 和藥物有關嗎?

謝謝 !!
張逸和醫生回覆
你好Tara，謝謝你的查詢！
其實這兩隻藥是同一隻安眠藥，但不同藥廠製造，它們的成效如何是很難回答的。這是因為每一個藥物製造國家的監管是不同的，有些國家嘅監管比較嚴謹，也有些會比較寬鬆，所以雖然同一隻藥物但質量效果可以不同。

另外這隻藥也有長效版(CR - Controlled Release) , 安眠效力也可能會比較持久的，詳細情況建議可和你的主診醫生商討！
張醫生上

會員#16939 Gwen
抑鬱症
病患者女 - 55歲

本人患抑鬱症多年，服藥中 (Zolpidem 10mg, mirtazapine 30mg) ，最近精神變得很差、失眠、加上感覺是不真實，抽離或虛幻窒息感（並非不能呼吸或呼吸困難，而是感到恐懼）害怕失去控制，失去理智，對恐懼的事物和情境極力迴避，不能控制這種恐懼，很怕外出和人接觸，因此兩星期前醫生把mirtazapine加至45mg, 睡眠由每晚只睡1至2小時，現在可睡3至4小時，但心情低落和不真實感仍很強烈。

不知這情況能否扭轉？

敬希盡早回覆

謝謝
張逸和醫生回覆
你好 Gwen，要扭轉復發的抑鬱症狀，首先要找出一些阻礙你康復的因素，原因可以很多，包括生理、心理、環境因素等等。其實藥物調較配合適當的心理治療是非常有效的。如抑鬱症狀持續沒有改善，建議你和主診醫生商討，以作出針對性的治療。

張醫生上

會員#16940 Tam Wai Wa
強迫症
病患者男 - 19歲

我兒由發現再確診到現在巳有6年，一路只睇精神科醫生並吃藥，現在他近兩個月才開始接受心理醫治-行為認知治療，但現在睇開既醫生提供行為認知治療所收費用以每小時$2800，我們實負擔不來，請問有沒有較經濟且有經驗的行為認知治療師？
張逸和醫生回覆
你好譚先生。其實除了精神科醫生能夠給予心理治療，臨床心理學家也可以提供，他們的收費或者會比精神科醫生便宜，你可以一試。

會員#16919 NANA
請醫生解答
病患者女 - 24歲

妳好醫生我想請問我自小就係一個家庭暴力既環境長大直至七年前我被爸爸打到我再承受唔住搞到上差館然後自己搬左出黎當時只得十七歲既我一直身邊只得當時既男朋友陪住果段日子過得好痛苦連鐵皮屋都住過我未搬出黎前因爸爸既影響下我既情緒一直好波動好易就大叫大喊由其係被打既時候真係好似癲左一樣。

到搬左出黎一直我都好掛念家人每晚都喊到訓著維持左差不多一年至平伏了下來後來就開始對男朋友好大疑心我都發覺自己疑心比正常人嚴重好多好多直到依家都係咁呢幾年男朋友我都已經交了幾個但每一個都因為我既疑心而經常嘈交當然其中因為經歷過背叛使問題更嚴重。有時我仲會將一件好小既事諗到好複雜好似對方一早計劃好點去講大話呃我咁。呢七年除左身邊最親果幾個人之外我都唔敢打電話接電話就連叫外賣都唔敢一聽到電話響就好驚呢個情況已經七年了到依家都解決不到直接影響到我正常既生活所以我只有打訊息跟別人聯絡！

而且近來我失戀情緒更一發不可收拾已經過了兩個月都仍然控制不到情緒日日喊晚晚失眠什至試過連續兩日沒訓過明明好累但就唔知自己驚慌乜野而訓唔到雙腳一直扯到好緊好酸痛反而要用力放鬆咁由其係想訓既時候。
我同這個男朋友係同居的但因為接受唔到男朋友呢份新工沒時間陪我因為佢一番左工就好多個鐘訊息電話都唔覆當我搵唔到佢我就控制唔到自己大喊又不自控發癲所以我提出分開但分開我又接受唔到反而令自己更失控！
呢段時間我靠飲酒至訓到而且成日想自殺我並唔係因為撒嬌至會咁係我唔知點解我搵唔到佢就失控係咪因為我身邊只剩番佢一個所以我至會咁？還是我真係有病？
我一直失眠係真的我唔係扮既但當佢係我身邊我就訓到教點解會咁？

呢段時間除左失控日日喊失眠雙腳扯緊日日喱係屋企沒番過工連野都可以唔食唔會肚餓仲有想自殺之外當嘈交/激動時會頭暈有時仲會喘氣總之好唔舒服
未失戀前我已經會沒啦啦成日諗唔開心既野搞到喊又會幻想d屋企人死左之後自己係度喊但唔係我特登去諗的！

我真係過得好辛苦好痛苦醫生請問我係咩病？
同埋因為我兩個月番唔到工了我真係好需要妳既幫助我上網搵唔到妳的實質收費可以話我知大約要幾錢嘛？
如果價錢我承擔得到我想盡快預約因為我怕我真係控制唔住就跳下去..

希望能盡快得到回覆感謝！！
張逸和醫生回覆
妳好NANA, 謝謝你詳盡的描述和查詢。其實每個人嘅童年經歷，對日後成長時的個人發展有很大關連，包括情緒、性格、人與人之間嘅信任、壓力管理、處事方法和自尊心等等。
你現在出現的是抑鬱和焦慮的徵狀，和你童年的經歷是環環相扣的。藥物配合心理治療是最為關鍵。望你能早日找到適合的醫生，解除以往的枷鎖，助你早日康復，重投社會工作，活得比以前更加美好和精彩。

關於收費和預約，煩請聯絡我的姑娘以作查詢和核實。謝謝！

張逸和醫生上

會員#16739 yoki cheung
驚恐症
病患者女 - 35歲

1.經常會好驚，會突然諗負面野，無啦啦驚D冇謂
野，可否治療好，成日發作時怕失控，痴線，想
死，好辛苦，唔甘同人講，怕身邊人擔心
2.希望可痊癒
3.怕價錢太貴，我每個月得幾千元，怕支付不到，
所以現在只食健康產品改善，睇過政府但只敷
衍了事，等好耐但睇你只係5分鐘，怕好唔番。
張逸和醫生回覆
你好 Yoki，請放心, 驚恐症是可以痊癒的，藥物配合簡單的心理治療是非常有效的。相反，健康產品對治療驚恐症不是太有效。

其實驚恐症比起其他焦慮症是相對容易治療，我相信精神科醫生或有精神科經驗的家庭醫生也可以幫到你。祝你早日痊癒。

醫務信箱
致張逸和醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

張逸和醫生答問

醫務信箱