專科分類目錄

林樹強醫生答問

林樹強醫生(男)
Dr. Liem Shu Keung
精神科
值得推介 : 1

會員# ms.lam
paroxetine 葯物食用時間
病患者女 - 40歲

你好林醫生
本人因容易緊張最近睇醫生，醫生開左“paroxetine 20"葯比我食,他話時間任我選，本身腸胃好差人，請問咩時間食會好點。如果晚上食會對肝臟唔好嗎？
另大約要食幾耐才可以停葯？
謝謝醫生！
林樹強醫生回覆
Paroxetine是血清素的一種，一般可以治療焦慮症和抑鬱症。妳可以先試吓上午早餐後服，需要時也可連胃藥食。這葯對肝臟一般沒有大影響。建議妳應該先試半粒。要留意有些人頭一個星期有機會焦慮稍為增加。短期可以加些鎮定藥需要時服。血清素效力一般慢慢才發揮，若果病情控制理想可以太約兩三個月後同醫生商量試減葯。

林醫生上

會員# May
憂鬱症
病患者女 - 47歲

我想知食vortioxetine 15mg, 上午食或是晚上食效好呢？
林樹強醫生回覆
Vortioxetine早晩食藥力效果應該差不多。多數人上午食，晚上服有些人影嚮睡眠。也有些人睡前服減少反胃的不適。

林醫生上

會員#23897 lameiiibb
驚恐症
病患者女
我有驚恐症，早期是看私家醫生，醫生說我病情不重，應該會好快好番，但因為費用不便宜，我轉到明心樓睇，點知一食就食咗十年，醫生一直開倍思樂50mg給我，近一年開始減份量，每天食25mg，但偶爾會出現心唔舒服的感覺，我就再食多一粒，情況才有好轉，是否我依賴了這種藥，我需要食成世嗎？我很期望可以不用食藥，我覺得食到我個人好肥好腫，是不是我轉返睇私家醫生能快一點斷尾？
林樹強醫生回覆
抗憂鬱藥食得耐有些人可能會產生依賴性，慢慢減多數人無問題。可以同醫生商量先試吓減1/4，即是37.5mg(一粒半25mg)。適應咗再慢慢減下去就ok。

林醫生

會員#23478 Mike
由細到大我都覺得自己怪怪地
病患者男 - 18歲

唉，唔好意思煩到咁多位。其實由細到大我都覺得自己怪怪地，鍾意諗好多野，覺得自己怪怪地，有時真係懷疑自己係咪弱智。其實我覺得有乜可能個個正正常常，我會有咁多野？而且我而加仲係成年早期，加上中一升中二跌過單車撞過個頭，無去睇醫生。我到而加都無幻覺妄想，咁我反而仲驚，因為我覺得自己係淨係認知方面出問題嗰種思覺失調，而且預後最差。唉，我覺得好對唔住我屋企人，但係我真係唔知之後會點，每日都過得好空白😪
林樹強醫生回覆
成日諗嘢可以好多原因例如性格容易焦慮或有強迫症傾向。但若覺得自己從小到大都認知方面弱或記性差也可以是專注力失調症的特徵。你講得唔太清楚。建議揾醫生詳細評估一下，找到原因應該有得醫。

林醫生上

會員# Gordon
抑鬱症服藥初期
病患者女 - 65歲

你好,剛復發的中度至重度抑鬱症再次吃藥 SERTRALINE 50mg
剛服蘗2星期有失眠腦部拉緊及腸胃拉扯的副作用皮膚開始出現紅疹
要繼續服還是見醫生轉藥
林樹強醫生回覆
若果兩星期仍然有副作用，可能轉藥比較合適，特別是假若病情未有明顯改善。Sertraline一般早上服用好些。假如晚上服用，有部份病人會有失眠情況出現。皮膚出現紅疹有可能是藥物引起。應該及早覆診見醫生，商量轉藥。

林醫生上

上一頁下一頁

醫務信箱
致林樹強醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見