專科分類目錄

林樹強醫生答問

會員# 輝
又再失眠
病患者男

你好，本人一直食緊zopIcLone.一粒Mirtazapine15mg每晚一粒6年了.六月時因為又再失眠加了半粒Mirtazapine，現在食1粒半但沒有效果。應該什辦，是否再加藥呢？
林樹強醫生回覆
其實Mirtazapine高些份量未必比一粒易入眠。可以考慮改另一隻助眠效果好些的抗抑鬱藥而不是再加份量。

林醫生上

會員# anson
食完Sertraline之後頭痛口乾喉嚨痛失眠是否正常
病患者女 - 17歲

我食左一粒Sertraline之後個頭爆痛狂大喊路但係失眠個口仲超乾同痛請問是否正常？
林樹強醫生回覆
Sertraline 一般先由半粒開始早餐後食。有些人晚上食可能影響睡眠。其他副作用因人而異。妳的反應比較大，建議先停一停和醫生商量是否要調整藥量或轉藥。

林醫生上

會員# Mr. Tam
Sertraline 25mg 要食幾耐
病患者男 - 52歲

本人年頭因家庭問題引致有焦慮症狀，臨瞓前心跳加速手有麻痺個心囉囉攣個腦諗負面嘢( 本人沒有暴力及自殺傾向，沒有社交恐懼)，後往紅磡診所睇政府醫生畀Sertraline 25mg 每日服一次，開頭一個月副作用有腸胃不適，失眠，但係頭痛及心囉囉攣已經沒有。療程共十個星期於4月30號食完。當時醫生未有覆診紙畀我，本人以為已經康復，直至六月頭因家庭問題，突然又有以上症狀，是否應該再去覆診及正常療程有幾耐呢。本人自2019尾經檢驗有血壓偏高及膽固醇(每早 Amlodipine 5mg一粒及晚飯後Simvastatin 20mg一粒)6月抽血覆診所有指數回復正常, 噤 Sertraline 是否中午飯後食最好呢，最後一問～本人剛剛新婚，發覺食 Sertraline，情緒穩定但係好似冇乜性慾(心如止水)，是否需要轉藥呢～多謝Dr. 回覆！
林樹強醫生回覆
明顯你焦慮症又發作，應該再覆診和考慮食藥。Sertraline是血清素(SSRI)的一種，可以有機會降低性慾或性功能。你應該和醫生商量轉其他新一代比較少副作用的藥物。另外你也需要學習呼吸和思考方法去控制焦慮徵狀、睡眠健康丶壓力管理等等。否則焦慮症也會容易復發。

林醫生上

會員#25643 Eddy
困擾 - 未知疾病
病患者男 - 44歲

醫生您好, 從2018年中開始有頭暈, 直至現在也沒能解決, 2019年1月及2021年1月也已經做過很多檢查包括腦/心MRI, 心/下腹CT, 運動心電圖, 驗血, 等等, 結果一齊正常, 但斜床測試係Strong positive, 這兩年我既症狀主要頭暈, 體能轉差, 餐後試過心跳立即上升至115, 有心悸, 有早博, 有段時間呼吸不順要抖大氣, 有段時間喉嚨有頂住感覺, 有段時間會餐後兩小時內肚痾等等, 不適症狀不段循環發生, 近來靜息心率都高於90, 睇過2-3個心臟醫生/家庭醫生都冇方法解決, 只說有可能是迷走神經問題, 請問我應該睇精神科或腦神經科? 萬分感謝
林樹強醫生回覆
很多焦慮症的病人也有你所說的徵狀。可以先找精神科醫生。

林醫生上

會員# Zoloft
Zoloft
病患者女 - 15歲

停藥兩個月，但最近每天睡拾幾小時，現在醫生建議再食Zoloft ，請問早上吃，還是晚上吃好。因之前是早上食，但日日睡到中午，結果沒吃
林樹強醫生回覆
假如長睡丶無動力丶情緒低落是妳抑鬱症的病徴就的確應該再食返抗抑鬱葯。Zoloft其他時間例如中午服亦可，如晚上服則要留意會否影響睡眠。但若Zoloft令妳太疲倦或有其他副作用就應該告訴醫生，試其他血清素甚至其他類別抗抑鬱葯。

林醫生上