經歷詳述:
我幾年前睇陳醫生，有個好傷心難受嘅經歷。話說當年我想盡快有小朋友，自己同先生試左差唔多1年都未有，搵陳醫生想做超排卵iui，同陳醫生傾時，提到我哋某啲原因唔接受減胎，所以唔可以懷3個或以上的多胞胎，陳醫生就好炆同嬲咁，話3胞胎風險好高，如果我唔減胎一定唔可以有3胞胎，如做超排卵嗰個cycle排左3粒或以上嘅卵，嗰個cycle就要取消，但好難控制到啱啱排2粒卵，如排1粒，中嘅機會又好低(7-8%)… 咁整體嘅機會同自己試唔差好遠... 佢仲問”你想我點?” 態度極差… 我同老公商量緊，佢仲趕我哋走，叫我哋出去慢慢傾… 我即時喊左出黎，好傷心… 感覺陳醫生好無醫德，淨係關心自己診所嘅成功率，佢好似怕幫我咁做排卵iui會降低佢診所公佈嘅成功率咁，所以態度好差… 由於太傷心難受，我決定唔搵佢做iui... 但好在，之後個cycle我哋喺完全無任何輔助低下自然懷孕有左。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 可能人夾人緣自己衡量