經歷詳述:
無醫德 無品

我帶兩位小朋友去睇感冒，9歲和4歲，小朋友從未睇過，諗住近近地，睇下好唔好。9歲坐低睇先，我坐左旁邊，4歲嘅就行來行去。醫生間診症室有個雪櫃，4歲嘅無聊自己行去打開雪櫃睇吓有啲乜嘢，醫生立即撲出來，好大聲好惡話：「你唔可以打開雪櫃架，果啲係疫苗，政府定期有人農場溫度，如果唔啱溫度，就要成批換過」跟住重覆講幾次。我話好對唔住，佢細唔識。之後佢就繼續睇症，睇完個9歲，再睇4歲。睇嘅過程亦都好求其吓。同我喺出面睇嘅兒科求其得多。臨走之前，個醫生又再講一次。我話：我知道喇，你不如搵嘢鎖住個雪櫃啦！呢度係兒科診所，有小朋友唔覺意開咗，都唔出奇。跟住佢話：「從來未有小朋友打開過，其他小朋友好乖嘅。」佢咁樣講即係話我小朋友好曳，我想話呢套戲兒科診所，咁細小朋友好奇開咗個雪櫃有幾出奇呢？咁緊張其實真係要鎖住囉！我其實未見過有個醫生咁冇品，仲要去兒科。

啲藥好垃圾，可能見我係保險包嘅，cheap藥。我講明九歲唔識吞藥丸，佢照俾我，話叫佢試吓食，我好無言。

結論，無醫德無品，以後唔會再去。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧