經歷詳述:
因為住得近既關係，所以由細到大都係睇開呢個醫生，一直覺得信得過而且幾好，但上一次傷風感冒再去睇既時候就出事啦，當日我同醫生講因為病所以訓得唔係幾好，佢答我：（甘我開隻好訓既藥疑你啦）,而無同我講係安眠藥同解釋副作用，結果當晚我食完藥就出左事，出現幻覺，起身已經唔係自己屋企，中途既記憶完全無哂，甚至個幾日既野大部分都唔記得哂，第二日就即刻落去問佢點解會甘？佢第一時間就收走我粒食剩既藥，然後話：（每個人對藥既反應唔一樣，甘你話訓唔到丫嘛，我咪開比你囉，甘食唔到就唔好食啦，夜晚訓唔到？甘日頭訓囉夜晚唔好訓啦！），態度完全令人火滾，我明白係我主動話訓唔到，但作為醫生係咪需要講清楚開既係咩藥有咩副作用？而唔係身有屎甘去兇走病人，而事後我上網查番粒藥先知道副作用係精神錯亂，記憶混淆等等！所以以後幾病都唔會再睇佢！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧