Ms. Chan回應:
我見姑娘已經全部換了，上一次去睇陳醫生佢地都好用心講解藥物，有關白內障覆診方面的診金也十分積極為我多番向陳醫生確認！
亦不見感到煩燥。
陳凱怡醫生亦十分有耐心，為家母講解眼部問題，已經即時為家母找到最合適的治療方法。
會否有其他誤會？大家都要互相諒解、有時病人家屬/病人也不要太覺得自己高人一等！

病人家屬回應:
我好明白你！依家新一批姑娘好好多喇！未換前果一批，真係令我好嬲，成日大大聲傾計笑到癲，去到問咩名答完轉頭又再問，根本無聽人講嘢。之前有次按醫囑打去配藥，姑娘竟然教訓我話抗生素類固醇只可滴兩週，話我應該帶媽提早覆診唔係亂配藥，儘管我解釋係醫生吩咐，叫佢幫我問醫生，佢依然執著問我明唔明，仲越講越大聲："有咩事我哋唔負責架喎",後尾佢話醫生啱啱返幫我問，死死地氣回覆："醫生話既然係咁，配比你喎！" 咩叫既然係咁？係一定係咁！心諗如醫生未返嚟，佢都唔肯幫我問醫生再覆我，依舊指責我喇喎？接待態度語氣可以好啲嗎？我果日心情好差。仲有一次我媽老人家唔識用厠所，姑娘發現後返去counter 同所有姑娘取笑我媽，大慨佢哋已忘記我坐咗係到等媽返嚟，果刻我好嬲姑娘點解對長者無同理心，亦好自責無睇實阿媽，明知佢眼矇都仲相信佢識用個厠所。又有一次，帶媽覆診完坐枱果註冊護士不滿新人懶同笨，竟係我面前對另一姑娘訴苦，講到好嬲仲大大力係我媽張收據到蓋印，個新人係手術室拎住我媽d 藥出嚟時又投訴話同事唔肯開門比佢，仲大力係我面前擲我媽d 藥！令我好心寒，好唔尊重病人，我咁貴睇專科唔係受氣唔係要睇辦公室政治，著得件制服比d 專業態度好無？我唔敢投訴，因為我媽有排要去覆診，我有問媽咪如果難受不如轉第二間，媽話睇開唔想轉，醫生好就得，姑娘差佢情願忍。好，為阿媽我默默忍，終於等到換晒批姑娘，依家去診所真係開心咗好多！等得耐唔係問題，3,4 個鐘我都願意等，至緊要唔好有不快回憶。