經歷詳述:
朋友介紹 又可以用公司醫療卡所以睇李醫生，同佢講胃痛想做幽門螺旋菌測試，但佢反對要我照胃鏡，但我吾想照，只係想睇醫生攞藥食先，可以既話就做吹氣，佢反應好大覺得做吹氣無用一定要照胃鏡... 而且長篇大論一番。最後我都吾想照胃鏡，叫佢開藥比我食先，如果食完仍痛才照。 佢好大反應話我跟本無胃病吾需要食藥， 當時我有啲嬲反問個胃無事甘照胃鏡做咩？佢話要照左先知係咪個胃有事.. 我再講醫生你問都無問我個胃有咩吾舒服就叫我照鏡，我嚟呢度吾係要假纸攞病假，係要睇胃痛。認真從來未試過睇醫生睇到甘，我覺得佢一心係想我claim保險照胃鏡，因為佢有提過我可以用醫療卡...最後佢開左两包寫住胃痛藥比我，我問姑娘呢两包胃藥係食咩，胃氣？胃痛？姑娘再帶我入去見醫生，醫生就話係普通胃藥... 最後上網睇番病人對呢位醫生comments, 只可以講句真係好彩無應承照胃鏡...
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧