經歷詳述:
無可否認楊醫生態度和善有禮，毫無不耐煩的模樣，有問必答，整個對話十分放鬆。
然而態度再好也無補於事，醫生最重要還是醫術和處方成效。

診斷方面，我第一次睇泌尿科冇得對比其他醫生，病人挺多兩次看病需等待約一小時。只能説楊醫生十分友善地問你病情，不過要我主動提出照一下膀胱和腎的照聲波，不然就只是單純對談完就完事，尿液要自己到化驗所測試等覆診聽報告同換藥。 我自問準時食藥沒有亂吃東西，但是第一次開的藥完全沒有成效，等覆診時醫生話隻藥理應能對症下藥，唔應該冇效，反正比我還要困惑，令到我好不安無耐。佢俾我既感受係我都唔知你邊到有事,不過我換下藥睇下會唔會咁好彩有改善，已經放棄治療的但又不忘收你費用的庸醫。同樣地第二次藥都是無效，反而抗生素的副作用令我腸胃疲弱,容易胃痛肚瀉(已在飯後進食)。

診金方面,，第一次診金+一星期分量三種藥(800+300)作為私家専科十分正常，另加化驗所測試($700)。
第一次睇症醫生話之後覆診換藥免費，形容自己開善堂，但冇講清楚十分誤導，所以事後打電話詢問免費指診金還是藥費，雖然姑娘回應是診金和藥費免費= =有點奇怪但我覆診都係準備好錢， 結果收藥費了。正常應該的邊有咁筍
但第二次覆診四種藥，同樣一星期分量，換一隻藥加一隻新藥，但收左600，姑娘仲話平左200(really?)
我真的不明白藥物收費標準，感覺十分隨意。
睇醫生俾錢天經地義，私家預左貴，但第一次見咁唔要面的醫生，又要威又要戴頭盔。

我無需要胡亂編故事去抵毀一個素未謀面的人，於我而言毫無意義得益.花時間評論只是十分理解係香港搵私人醫生風險真係大，每一次都是用自己的性命去冒險，即使有網上評論可作參考，但真確性一無所知(尤其是那些一句起幾句止或者各項評分都10分滿分)。唔想有人好似我咁浪費金錢時間，同樣患有泌尿問題的病人睇唔睇楊醫生你自己決定，畢竟有人相信睇病係人夾人的説法，或者以為我係打手。
簡評:
個人觀感- 診效不顯、收費不稱
經歷過程- 需要自己主動提出較多的諮詢
推介意見- 本人絕對不會再作光顧