經歷詳述:
睇完白醫生之後真係忍無可忍，希望想睇白醫生既人真係要非常認真考慮係咪全香港耳鼻喉醫生得佢一個選擇，係咪一定要揀佢！！
事緣耳仔因為太過痕的關係，懷疑自己可能因為太耐無清耳垢引致。咁岩經公司醫生轉介去睇耳鼻喉專科醫生，就揀左係卓健診症既白醫生（都幾難預約，大概等一個月左右，未睇前心態覺得呢個醫生實好掂，非常放心，睇完後懷疑咁難預約係咪因為佢係卓健港島區唯一既耳鼻喉專科醫生，公司保險包先去睇！）。睇醫生之前都有上網了解過清耳垢大概係點，網民都講好舒服，無諗過到自己陣過程咁恐怖。入到去見白醫生，一開始就同佢講想清理耳垢，咁佢就幫我檢查隻耳仔睇下入面係咪好污糟。醫生一面用類似鉗既工具檢查，咁我就講自己有時會聽吾到野同耳仔好痛，想知道係咪因為耳垢問題搞到咁，但白醫生正係講得，我睇緊，無出聲丫！（完全係口頭襌，講左不下數次，診症陣病人講點吾舒服我覺得係正常喎，無人見醫生吾出聲掛，都係想了解多Ｄ者）。咁我唯有吾出聲等佢睇la，個鉗搞到我勁痛，我忍吾到個種痛咁佢話有令我舒服既方法，就係返去滴5日耳油，再返黎覆診，同時講話另一隻耳仔係好乾淨。咁我自然好奇點解可以一面耳垢塞滿，一邊咁乾淨。但醫生完全無正面回應我既問題，只係講「咁你可能之前睇開第二個醫生囉」做解釋，完全無答過我既問題就話係咁先la，跟住急急腳睇下個病人！
到返到屋企滴耳油，講到明絕對一定要早晚滴5日，但說明書講不可滴連續超過三日，打返去問係由白醫生既姑娘接聽，姑娘話醫生話幾多日就幾多日，所以就乖乖聽醫生話。第一次滴陣耳仔無左七成聽力，諗住係正常，繼續滴多2次，但每次滴聽力就越來越弱外加耳仔好痛。當時連續放左三日假，到最後一日放假真係吾得，耳仔得返一成聽力加劇痛，係迫到爆既地鐵係我既世界都係近乎無聲，因為返工成日要聽電話，第2日又要返工，所以上去卓健希望可以見白醫生一面。去到卓健，白醫生既姑娘用非常不禮貌＋寸既語氣講「吓？咩你份工要聽電話而你又吾舒服自己吾識停藥？」跟住勉強打電話入房幫我問下，收線後一句「幫吾到你喎，你咁心急咪自己去睇急症或者自己俾錢去睇其他醫生囉！」跟住就無視我想趕我走，當時我覺得自己好似乞丐咁求醫生見我一面。最後我真係近乎喊住咁企係卓健出面逐個逐個打俾吾同既耳鼻喉專科醫生，睇下可吾可以即日有得睇！事實証明我隻耳仔根本吾需要搞咁多日lor，另一位耳鼻喉專科醫生只係用左二十分鐘就搞掂我既問題，同詳細解釋我會咁既原因。
p.s卓健覆診我no show都無人再理過我，但anyway，係我有生之年都吾會再睇呢個咁無醫德既醫生同盡量吾去卓健！！

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧