經歷詳述:
有朋友係保險Agent（我唔係佢客人），介紹咗李醫生睇子宮頸病變。當時照完pap smear已經第2期，我擔心同迷惘，但5分鐘嘅諮詢內李醫生講得好串好含糊，類似話情況算差又唔係最差，手術可做可不做，成效可能有又可能未必有，手術後遺症可能會長遠但又唔一定。最後我決定做手術，術後完成後，醫院姑娘叫我晌病床等佢來，等咗幾個鐘差不多到深夜，都唔見佢，又無佢聯絡方法，忍唔住call我個保險朋友，原來李醫生一完手術即返咗屋企！手術手勢亦麻麻地，半年後已經再復發，我要再搵另一醫生重新再做，因為李醫生做得「好求其，隨便刮幾下又唔刮乾淨」！順帶一提，李醫生原來一直都有同我保險朋友講我病情（當閑話家常）好多嘢係我朋友講返俾我先知。點解一位醫生可以無得到病人授權就可以向第三方公開我嘅私隱？

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧