經歷詳述:
說大實話絕對唔會再光顧，亦呼籲朋友絕對唔好睇佢。

醫生首先了解病情，但過程中我一有問題佢就好嬲好唔耐煩，話：“可唔可以俾我講埋先？！”（事先聲明我並無插嘴，只係係佢講話過程的停頓片刻中發問）

跟住上床檢查時勁用力勁粗魯整到我好痛，話我好敏感，掂一掂就周身鬱，唔知有咩好鬱，咁佢點做檢查之類（但我捫心自問真係痛到忍得好辛苦）佢成只手指勁大力頂到好盡；而且我只係外部皮膚有問題，我唔知點解佢需要連我胸，肚都摸埋；

跟住完咗之後開始來料，建議要做好多檢查，計計埋埋成千幾蚊；皮炎唔知點解連柏氏抹片都要做埋；又話要驗入邊既分泌物（我真心唔係入邊唔舒服，係外面皮膚個多唔舒服同有滲出液），佢硬係話滲出液唔係傷口滲出係入邊滲出（我好無語），話外面發炎入邊都有發炎。

我真心從來未遇到過咁差既醫生，醫生有時檢查粗魯啲或態度麻麻都可以理解，但態度咁差我真係試都未試過，我都唔知原來佢咁多差評，啱search先至知原來佢真係好差。

再次好心提醒大家真係唔好去睇醫生，洗錢貴都唔緊要，最緊要係醫唔好；我今日係第3日搽佢啲藥膏效果都係麻麻。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧