精神科藥物的後遺症

病患者男 - 38歲

我係一位強迫加焦慮症患者, 病左都有七至八年, 一直有在公立醫院覆診, 醫生開左藥我食, 但藥效一直有問題, 我覺得未夠, 同醫生講想加藥或轉藥. 但次次醫生都話藥量已經係最高劑量而拒絕, 我有比過藥單朋友睇, 都覺得係好高的劑量, 咁加又唔可以加, 轉又話無得轉, 咁我真係好辛苦, 成日都焦慮症發作, 心口嗱住嗱住, 個人好焦慮, 知道其中一隻鎮靜劑Lexotan 3mg, 食緊早晚各一粒, 我有段時間因為病情舒緩無食, 但後來我轉左工, 壓力大左, 我有時辛苦到一日連食六粒, 每次食兩粒, 分三次食一日, 的確做到鎮定作用, 但我都驚咁食法危險.
想問醫生們, 你地覺得我現在可以點做? 藥物, 醫生己經講明唔轉唔加, 但我真係好驚好辛苦, 食多又話危險, 怕上癮, 咁我可以點行? 如果我再咁食法, 會有咩後果? 其實我唔係經常性食六粒, 有時可以壓抑到的, 我會發作時先連食兩粒算數....
我真係無路可走了, 醫生們, 求下你地覆我一下.....唔該....

梁婉珊醫生回覆: [ 6/18/2022 ]

你好，謝謝你的查詢。

你能夠把自己的情況和所擔心的事情，用文字表達出來，十分值得鼓勵。了解到你的主診醫生為你安排了Lexotan (Bromazepam)，而你在為藥物組合的效用和安排感到苦惱。

建議你需要向主診醫生表達現時情況，包括這個期間你的不安感受、出現的強迫症及焦慮症症狀和詳細狀況。嘗試跟醫生解釋你期望加藥／劑量背後的原因，乃是在服用這個藥物組合期間，生理及心理上仍然持續感到不適，例如感到心口悶、呼吸不順，而焦慮不安感仍然未能完全妥善處理。一般情況下，假如患者的焦慮狀況仍未能恰當處理的話，通常醫生都會調節藥物種類或組合。所以最重要的是，你能夠告訴醫生自己的相關情況，根據醫生的專業臨床判斷後，再作出藥物的調較。

你的情況可能需要一個特別的藥物組合，需要不同類型的藥物互相配合，才能發揮最好的效果。如果只是不停增加鎮靜劑，這並不是最理想的處理方法。

建議對自己的精神變化多加注意的同時，嘗試用一個喜歡的方式作一個詳細記錄，可以用紙筆寫下，亦可以用手機記下，所出現焦慮症狀、情緒變化和引發事件，假如你在服用Lexotan時加大了劑量，亦需要詳細記下日期、份量和原因，有助你的主診醫生了解你的情況，從而為你調藥。

其實如果調藥得宜，大部分患者的症狀能夠慢慢舒緩下來。加油。

祝早日康復

梁醫生

以上資料只供參考，不能作診症用途，
請與家庭醫生查詢並作出適合治療。
如有身體不適請即求診，切勿延誤治療。
若資料有所漏誤，本網及相關資料提供者恕不負責。