經歷詳述:
本人因腳部麻痺同埋腳痛睇咗多次醫生，食咗消炎藥同埋止痛藥後症狀都冇改變,仲越來越嚴重，甚至痛到行路都行唔行，睏覺也睏唔到,後來經朋友介紹
睇咗方醫生，佢仔細同我檢查後即刻話我知唔係腳嘅問題，係腰椎問題。照咗磁力共振後先知係腰椎盤突出壓迫到神經缐。7月尾方醫生同埋另一名脊椎專科醫生同我做咗手術，手術非常成功，早上手術，夜晚就可以落牀去冼手間了。做完手術後，腳痛消除，腳板底仲有小小痹，整隻腳麻痺嘅症狀已減輕咗好多。方醫生話我知因神經缐壓迫得太久，需要慢慢恢復。傷口恢復得很好，出咗院約半個月，已埋咗口，可以沖涼，仲可以慢慢行返！在此我非常多謝方醫生，係我未做手術之前，耐心幫我講解，打消我心中嘅疑慮。如果不做手術，可能現正仲痛到彻夜難眠。現在我不用再食止痛藥也可以好好地睏覺啦！再次多謝方醫生！

簡評:
個人觀感- 仁心仁術、醫德高尚
經歷過程- 醫生會從病人出發去提供意見
推介意見- 已視為本人的必然選擇