經歷詳述:
感恩遇上好醫生

B女兩歲半，一月中由枱上跌落地斷手，起初以為甩骹，為咗避免去醫院怕傳染流感去咗睇跌打，點知夜晚B女痛到瞓唔到，經朋友介紹知道方醫生對兒童骨科有豐富臨床經驗，第二日中午即刻去搵方醫生，照完X-Ray之後知道情況十分嚴重，方醫生馬上安排當晚入院做手術，原定七點半做手術，因為需要麻醉唔可以食嘢，B女好肚餓猛咁喊，當時六點九，方醫生見到咁嘅情況，馬上安排做手術。手術好成功，駁返骨打石膏，三星期後拆石膏已經活動自如。

唔知關唔關事犯太歲事，身邊兩個屬狗嘅都相繼受傷。

年廿八朋友喺非洲跌斷腳，我馬上聯絡方醫生，他很幫忙安排好醫院同病房，等我朋友年初一返嚟可以馬上安排檢查同做手術。

細妹年初四打波拗柴，去聖保祿睇急症，醫生竟然話冇事。細妹見唔對路馬上搵方醫生，放醫生檢查之下見到腳眼位骨折，馬上打石膏， 過咗兩個星期已經好返了。

我哋好好彩遇到好醫生，方醫生係小有嘅醫者父母心，醫術高超而且有一顆善良的心。感欣遇上好醫生。
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介