經歷詳述:
當日我陣痛見紅入醫院，大約兩個鐘左右，開咗兩三度，跟住姑娘入嚟同我講話醫生下午有嘢做，現在幫我打催生，我即時拒絕！當時醫生係遙控叫姑娘打，冇睇我當時情況。我唔肯打催生，跟住醫生打電話俾我，同我講佢就下午有事要做（原來係學書法），叫我一係選擇打冇痛或催生，佢就可以幫我接生，否則佢就要搵註院醫生幫我。然後我同佢講我兩樣都唔㨂！我要自然地生個BB，同姑娘講搵註院醫生！點知隔咗一陣，尼位梁X德醫生怒氣匆匆走入嚟「叫我名XXX，我為你推曬D Booking，我依家要加你錢！講左三次」試問一個經歷緊十級痛楚嘅產婦如何反抗？？
我當時已經冇力同佢爭論。
跟住佢即時叫姑娘幫我人手穿羊水！
中途入嚟 睇我每次都會鬧我，姑娘都睇唔過眼 （叫我生仔 唔好理佢！！）
中途我同佢講 我好急大便，佢冇理我 行出門口大大聲聲講 「佢話好急大便喎」但冇人幫我放大便！（最終我連大便生BB出嚟,BB惹到大腸桿菌）

兩點幾嘅時候 佢望住個鐘同我講 「我四點半一定要走，你打唔打催生」？D姑娘同我講，我令到醫生好嬲！
當時情況下，冇得㨂，只能打！
跟住到聯針，我每一下都好痛，本能反應就係縮，跟住又係一路俾佢鬧！

第日巡房，姑娘叫我瞓上床檢查，跟住醫生黑口黑面話「唔使啦，行得走得」冇幫我檢查，就走左！

我生完之後成日發夢係產房點樣俾佢鬧點樣俾佢威脅下打催生，情緒成日因為呢件事而不穩！一個醫生為咗自己要去學畫畫而咁樣去對待產婦 大家仲夠唔夠膽去睇佢！！

梁淑德收費係天價 順產接生費7萬 比其他醫生貴一倍 但醫德衰到冇人有！！

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧