專科分類目錄

高國進醫生答問

會員# J
心臟問題
病患者男 - 41歲

本身長期精神緊張，有焦慮症。長期駝背，腹部繃緊，血壓偏高，心跳快（緊張果陣心跳大概90-110）間唔中會心悸。屈背時更明顯感覺到心跳同心悸。有時會跳得好大力。訓醒，坐起身果陣更明顯心跳大力同快。前排心翳住唔舒服去左睇急症，x ray,抽血，心電圖醫生話一切正常，轉介我去綜合護士心臟專科，再一次做心電圖都係正常，護士了解後話我暫時心臟冇大問題。之後body check 心電圖都係正常。但未有其他報告反。但本人冇氣喘冇心口痛好少頭暈。只係經常心悸。瞓覺時心跳係慢返啲。咁樣算唔算心臟有事？定我胸椎有問題？
高國進醫生回覆
J你好
真正嘅心絞痛係，行樓梯、追巴士、跑斜路、心臟負荷大，一條窄嘅心血管供應唔到足夠血畀心臟，就會導致心絞痛，會有一種壓住嘅感覺，維持最少一分鐘並不會超過15分鐘，安靜休息時就會解除，不是安靜休息時發生。根據你所描述的症狀，可能跟心悸或早搏有關。建議你先解決精神緊張焦慮症和睡眠不足的問題，情況依然沒有改善才需要考慮在作進一步檢查。

會員#30694 paul
嗜酸性球數量偏低
病患者男 - 54歲

各位醫生好，本人最近身體檢查，報告發現嗜酸性球數量偏低0.03和比率偏低0.6%，請問我身體出現那方面問題？我需要做有關血液嘅詳細檢查嗎？請問是那種檢查？唔該晒各位醫生，感謝！
高國進醫生回覆
Paul,你好

嗜酸性粒細胞水平低（嗜酸性粒細胞減少症）可能表示急性細菌感染、荷爾蒙失衡、飲酒或某些藥物。與您的醫療保健提供者討論您的嗜酸性粒細胞計數測試結果。

會員#30680 Erf
心藏傳導
病患者女 - 30歲

Ecg rbbb and lphb
Echo rule out structural 心臟問題
病人冇明顯病徵
請問需要擔心發展成complete heart block嗎? 要再做什麼follow up? 有咩原因造成傳導不正常？
高國進醫生回覆
Erf 你好，
右心室加左心室後支傳道阻滯即雙束狀傳導阻滯，通常跟心臟神經線纖維化有關，初步檢查可以考慮做心臟超聲波排除心臟結構問題，一般沒有即時危險，亦不會產生任何症狀。雖然機會少，但跟正常人比，每年仍有1-4％風險可以慢慢退化成完全房室傳導阻滯，症狀會漸進式地越來越嚴重，最後這會導致心臟停頓超過三至六秒，令人有短暫性休克。如果證實有完全房室傳到阻滯，而沒有發現其他可以根治或避免的因素，（例如年紀大的病人可用心臟磁力共振或電腦掃描心臟血管造影來排除其他潛在誘因），那就唯有安裝心臟起搏器來治療。

會員# Mma
Partial rbbb and lpfb
病患者女 - 27歲

Partial rbbb and lpfb
請問最大多可能係咩事？
醫生就安排左超聲波
高國進醫生回覆
Mma 你好，
右心室不完全傳導阻滯加左心室後支傳導阻滯是指這些神經線傳電的速度比正常心臟神經線慢。大部分情況都只有這個現象，並沒有其他後遺症。小部分原因可能和慢性肺病或先天心漏病有關，所以會考慮做心臟超聲波排除這些小部分因素。
高國進醫生

會員# Dicky
搭橋手術
病患者男 - 52歲

做咗通波仔手術，約半年後二條支架其中一條再塞咗，醫院已經放咗波仔通返，但建議做搭橋手術。請問呢個情況係咪一定要做搭橋？如果做，可唔可以做微創搭橋？謝謝
高國進醫生回覆
Dicky,你好.
如果通完波仔之後血管塞返，成功再次做通波仔放完支架之後，一般情況唔需要做搭橋手術，有可能出現嘅情況，其一可能是通波仔未成功;其二可能是血管未能成功放置支架，只係暫時用波仔通開作權宜之計，直至完成搭橋手術才能一勞永逸，所以最重要就是問清楚心臟科醫生，現在心血管狀況如何?到底血管真的通返還是未完成?還有幾多條血管需要處理？微創搭橋依然需要做開胸手術不過範圍縮小，不用鋸開撐開胸骨，不用停頓心臟和用人工心肺代替功能，如果只將前降支接駁到左乳頭動脈的話，可以考慮做微創搭橋手術。微創冠狀動脈直接繞道手術（MIDCAB）。
需要在左乳附近打開一個垂直或水平的小切口，並可能需要移除橫越在心臟之上的一小段肋骨，心臟因而可從此小開口處暴露出來。
較不疼痛、復原時間較短。

高國進醫生