專科分類目錄

吳昊醫生答問

吳昊醫生(男)
Dr. NG Ho, Paul
腸胃肝臟科
值得推介 : 79

會員#16838 May Tang
排便問題
病患者女 - 19歲

醫生你好。我從小就便秘，經常冇便便去。有時候便便後抹屁屁果陣見到紙巾上有血。我試過三款通便藥，又試過一個月每日都食好多菜，但都冇咩用。近兩三年個肚時不時會好突然咁痛，身體狀況都愈來愈差，成日好易就疲累，頭暈，心跳加速，肚脹咁。我好擔心自己會有大腸癌，我要不要先及早檢查一下好（如大腸鏡）？

請問醫生有沒有什麼好建議？
吳昊醫生回覆
你好。
你的歲數腸癌並不常見。其他有機會引起這些症狀的病包括腸易激綜合症，腸炎，荷爾蒙失調甚至寄生蟲感染等。所以還是建議不要自己亂猜，直接請醫生檢查找出病因處理。

Best regards,

Paul NG (Dr.)

會員#15810 Lee Yee
盆腔小腹2側都經常痛
病患者女 - 32歲

醫生你好，本人喺4個月前肛門入面深處經常痛，盆腔小腹2側都經常痛！初時係左邊痛咗一段時間，到後期連右邊都痛埋，痛到恥骨位及有時摸到細小腫塊，唔痛時就摸唔到，請問會唔會腸有間題？
吳昊醫生回覆
你好。
閣下的症狀可以由直腸，婦科或泌尿問題引起。建議請醫生檢查以確定成因。

Best regards,

Paul NG (Dr.)

會員#16088 Ken1234
輕微慢性胃炎及中度腸化生
病患者男 - 26歲

吳醫生你好,本人係今年8月因胃病照了胃鏡,初步發現有十二指腸炎及胃黏膜糜爛,活組織檢查證實有輕度慢性胃炎及中度腸化生,無發現幽門羅旋菌。家庭醫生開左兩星期藥比我,其中有Losec同Domar,仲有一d化胃氣藥丸同藥水,食完係有少少好轉,但仍然有肚脹同微痛情況。

想問醫生,呢個病洗唔洗長期食藥?會唔會同食物敏感有關搞到個胃長期發炎?同埋係我呢個年紀腸化生常唔常見(我無吸煙同飲酒習慣,亦無家族病史,而家經常運動)?同埋腸化生有無得痊癒?我而家驚會惡化,所以唔知點做好。

Thanks!!!
吳昊醫生回覆
你好。
慢性胃炎及糜爛需要用較長期的藥物。
食物敏感不會引起慢性胃炎。
在香港約有一成人口有腸化生，主要發生於40歲以上。沒有幽門螺旋菌還是有約6%的人會有這個病。需注意健康飲食及多運動。
痊癒的機會視乎內視鏡所見腸化生的種類而定。建議和閣下的醫生直接討論。

Best regards,

Paul NG (Dr.)

會員#16777 so yan
反胃、口水酸酸
病患者女 - 38歲

在4月中扁桃腺炎，睇左2次醫生好返，5月開始鼻咽和喉嚨感覺有異物感和壓迫感，咳不出，口水和鼻咽分泌物是酸酸的，6月中開始頭痛頭暈、鼻塞、耳塞到現在越來越嚴重，7月中3日內嘔左3次，2次瞓覺有胃酸湧左上喉嚨，睇左3個耳鼻喉專科都找不出原因，開左抗生素消炎藥噴鼻劑給我，食完藥都唔得，去過政府醫院照左頭、鼻竇都話無事！到現在日日有反胃，唔想食野的感覺，每晚都失眠，精神越來越差！
以上的病徵現在還有，已折磨我半年了，希望醫生幫幫我！！
（p.s.1月份你幫我照過腸胃鏡，胃有輕微發炎）
吳昊醫生回覆
你好。
你的情況有機會是胃病，建議見醫生接受診斷治療。

Best regards,

Paul NG (Dr.)

會員#16777 so yan
反胃、口水酸
病患者女 - 38歲

在4月中扁桃腺炎，睇左2次醫生好返，5月開始鼻咽和喉嚨感覺有野塞住，咳不出，口水和鼻咽分泌物是白色酸酸的，6月中開始頭痛頭暈、鼻塞、耳塞到現在越來越嚴重，7月中3睇左3個耳鼻喉專科都找不出原因，只開消炎藥噴鼻劑給我，食完藥都唔得，去過政府醫院照左頭、鼻竇都話無事！到現在還有反胃，唔想食野的感覺，精神越來越差，
吳昊醫生回覆
你好。有機會是胃病。還是建議及早接受檢查治療為佳。

上一頁下一頁

醫務信箱
致吳昊醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見