專科分類目錄

黃文昌醫生答問

會員#26035 jack chan
輕微牙痛
病患者男 - 27歲

近排食野間唔中感覺到右上隻牙有輕微的痛我以為蛀牙去睇牙醫之後醫生睇唔到有蛀牙敲我的牙都感覺唔到痛所以沒看出問題之後回家想起大約兩年前右上的牙曾經補過後食第一餐感到痛楚但隨後兩年食野都冇乜野直至最近
請問其實會唔會同之前補牙有關? 我咬野果刻係唔痛但一放鬆果下先會有超輕微的痛可以食到硬食物請問會是什麼問題呢?謝謝
黃文昌醫生回覆
咬時不痛，而鬆開後有輕微的痛，其中一個原因是牙齒出現微裂紋或補牙物料出現微滲漏。建議先行接受x光檢查，確定是否出現上述情況，並考慮是否需要拆除舊有補牙物料，進行清潔及重補。倘若發現裂紋，則需要評估裂紋深度及範圍，再行決定是否需要進行牙套修復治療。

Dr. Dennis Wong

會員#25446 ayumic
口張唔大，顳下頜關節？
病患者女 - 34歲

記得細個有段時間左邊張大口，將下顎向左移嘅時候會發出卡卡聲，都近呢幾年，如果口張到最大，左邊耳仔會聽到卡一聲先擘大到，去到2018年我用隱式美箍牙之後，去到2019年3月左右，個口張唔大，大約放到兩隻手指左右，想問吓如果睇醫生要睇邊一課？
黃文昌醫生回覆
以上所描述的症狀，有機會與顳頜關節症侯群有關，建議諮詢口腔頜面外科專科醫生進行檢查及評估，先找出多年來顳頜關節出現問題的成因，再行制訂治療方案。

會員#25582 Angel
牙縫痛是否要剝智慧齒
病患者女 - 37歲

醫生你好，我半年前下排有隻駐牙痛，一段時間沒處理，最近這個蛀牙的上方果隻牙的牙縫開始痛。我睇完牙醫及照完x光，醫生話我上方只有一隻智慧齒是蛀牙，但離我牙縫痛果隻牙相隔了兩隻大牙。於是判斷是智慧齒被蛀而影響神經線，引致相隔兩隻牙的果隻大牙痛楚。醫生建議我脫智慧齒。我智慧齒雖然蛀牙但沒有痛楚，請問我脫智慧齒可以解決問題嗎？多謝！
黃文昌醫生回覆
牙齒疼痛成因很多，除了蛀牙、裂牙外，也可以因為其他牙齒出現問題而導致「轉移痛」或「放射痛」，倘若平面X光未能完全反映實際情況，亦可因應個別需要，進行局部立體電腦掃瞄，以確定是否有隱性蛀牙、裂牙或牙根發炎等狀況。

Dr. Dennis Wong