專科分類目錄

黎錫滔醫生答問

黎錫滔醫生(男)
Dr. Lai Sik To
腸胃肝臟科
值得推介 : 3

會員# Ann
大便有D排唔清嘅感覺
病患者女 - 45歲

之前我去睇腸胃科，因為呢排大便有D排唔清嘅感覺，同埋大便習慣改變(之前好正常每日一次，形狀都係正常)呢排有時好難排，或者會比較爛，有時又會有D攪肚痛嘅感覺，醫生叫我照腸，我話唔照住，佢叫我驗血，出來報告咁，想問下D腸胃科醫生有冇需要照腸鏡呀?唔該

報告圖片:
黎錫滔醫生回覆
多謝Ann 會員提問。如果有大便排不清的感覺，又有肚痛和大便稀爛等病徵，加上驗血有貧血，可能是腸炎或腫瘤，還是聽醫生提議盡快做大腸鏡吧。

黎錫滔醫生

會員#22385 macy
retroperitoneal fibrosis
病患者男 - 59歲

CT檢查報告retroperitoneal fibrosis，而家排緊公立醫院，但係想去私家睇住先，請問應該睇乜嘢專科，應該要點樣醫治。
黎錫滔醫生回覆
多謝 macy 會員提問。Retroperitoneal fibrosis 傳統上是由風濕科 (Rheumatology) 專科醫生治理，藥物包括免疫力抑壓劑如類固醇及硫唑嘌呤等，近年更有生物製劑可用。如果輸尿系統受影響以至引起尿道阻塞或腎衰竭，便要看泌尿科醫生了。

黎錫滔醫生

會員#22376 cathy
肝臟內水泡
病患者女 - 65歲

我媽在肝臟裏有多個水泡，最大一個10cm影響呼吸，醫生轉介去北區或威爾斯，邊間醫院好，同埋我媽話醫生講到呢個係大型手術，做唔到插喉分流嗎？
要等到11月先再見醫生，呢2個月看中醫好嗎？
黎錫滔醫生回覆
多謝 Cathy 會員提問。妳母親肝臟裏有多個水泡，最大一個10cm，而且影響呼吸，是應該做手術的了。北區醫院或威爾斯醫院都是一樣，只是看她住那一區而已。這個手術當然是大型手術，不明所指插喉分流的意思，完全切除當然最好。現在已經是十月，十一月見醫生不算太遲。這裏亦可以明確告訴妳，看中醫是沒有幫助的。

黎錫滔醫生

會員#20882 Kaka
長期腹瀉
我懷疑自己有偽膜性腸炎，本人因2018 5月因為腹痛睇婦科食左三個月抗生素無效，食抗生素期間不斷肚柯，之後大便正常返，但腹痛持續去睇腸科，照腸一切正常，但久唔久都會肚柯，之後又因肺炎食左四星期抗生素，之後又肚柯左一個月，一日柯7-20次，之後又去睇腸科，醫生睇完之前嘅報告叫我去驗大便，但一切都正常，佢話有機會係腸易激，食左止柯藥，大便次數減少，但一日都有四五次，上星期因為感冒再次食抗生素，而家又再柯反，請問有咩方法可以解決？我係咪有偽膜性腸炎？有冇得醫？應該睇咩科？另外已有食益生菌
黎錫滔醫生回覆
多謝 Kaka 會員提問。首先，極不贊成病人自己胡亂斷症。妳的病徵明顯地不是偽膜性腸炎。此病的病徵是發熱、腹痛、惡心、腹脹、大量腹瀉，腹瀉物呈綠色海水樣或黃色蛋花樣稀便；腹瀉後腹脹減輕、脈搏增快、血壓下降、呼吸急促、現脫水征象、間中有精神錯亂、腹部壓痛、腹肌緊張、腸脹氣及腸鳴音減弱。服用抗生素後，尤其是長期如妳所説的三個月，很容易有抗生素關連性肚瀉，但不是偽膜性腸炎，停服抗生素之後會有改善，亦可服用益生菌減輕病情，腸鏡也不會顯示有甚麼問題的。
妳現在的情況很大可能是腸易激综合症，應該看腸胃肝臟科專科醫生跟進，如果一位不能解決問題，可再看另一位求取第二方意見。

黎錫滔醫生

會員#22366 Linda
大腸鏡檢查
病患者女 - 36歲

本人近期月經首日為2019年8月26日，之後再未知已懷孕的情況下，於9月21日做了大腸鏡檢查，請問對胎兒是否有不良影響？須要人工流產嗎？
黎錫滔醫生回覆
多謝 Linda 會員提問。根據外國的硏究，無論在懷孕那一期進行大腸鏡檢查，對胎兒風險也非常之低，更不須要進行人工流產。

黎錫滔醫生

醫務信箱
致黎錫滔醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

黎錫滔醫生答問

醫務信箱