專科分類目錄

陳穎鈞醫生答問

陳穎鈞醫生(男)
Dr. CHAN WING KWAN
耳鼻喉科
值得推介 : 41

會員#30503 Billy
最近感覺呼吸淺，有時候需要用力深呼吸
病患者男 - 27歲

最近有啲鼻塞同咳，睇左醫生，話係上呼吸道感染開左藥食。食完之後冇點咳，依然有少少鼻塞。但我本身都鼻敏感，而且唔係嚴重。

但去到前日夜晚個陣，突然之間覺得唞唔到氣甘，訓低做複式呼吸，唔知係咪驚得滯，開始好似過度換氣甘手同面麻麻地。
跟住我企起身行左一陣，慢慢舒緩返，呼吸都舒緩返。

之後我keep住感覺呼吸都係淺淺地，唔會成日話唞唔到氣。去到有少少窒息感個陣，做返腹式呼吸都可以舒緩。同時我feel到個人嘅注意力冇甘集中，好多時都係呆住甘，而且易怒。好驚係心血管疾病，但又冇話身體痛，淨係呼吸淺淺地甘，我本身BMI都有34，唔sure係咪肥導致呼吸唔順。但甘明顯唞唔到氣係第一次，見到自律神經失調個症狀又唔係完全吻合。

想請教下我呢個case係應該睇醫生定係做體檢？
P.S. 我兩個禮拜前開始減澱粉，夜晚多數都唔食飯或其他精緻澱粉，唔知關唔關事
陳穎鈞醫生回覆
Billy 你好, 多謝你的提問
根據你提供的資料, 我想你應該向自己的家庭醫生求診, 徵求診斷及相關檢查的需要!
謝謝! 祝早日康復, 身體健康!

耳鼻喉專科陳穎鈞醫生

會員#30493 woo wai keung
耳嗚
病患者男 - 65歲

左耳在這個月一路都有耳鳴，間中會有一段少時間冇响，現在連右邊耳都開始有啲响，看個醫生話係開始退化，有乜方法可以解決耳鳴呢🙏🙏🙏
陳穎鈞醫生回覆
Woo 先生你好

多謝你的提問。

要醫治耳鳴，便要先找出耳鳴的原因, 即是需要接受耳鼻喉科診症, 及聽覺檢查。
若果確定是聽力退化是引致耳鳴的原因, 治療方案包括使用助聽器，耳鳴減敏療法 (Tinnitus Retraining Therapy-TRT) 或遮蔽療法(Masking therapy)。
亦可配方藥物舒緩耳鳴引起的不適及病徵。

希望能解答你的問題，祝早日康復，身體健康！

耳鼻喉專科陳穎鈞怡醫生

會員#30487 leung
中耳積水，放置通氣管
病患者男 - 41歲

你好，醫生，我從小在一次中耳發炎後，左耳就有中耳積水問題,十多歲時做過放置通氣管手術，一年左脫落後又再積水。之後又再放置又再積水。后來醫生說放置t-tube長期管。
在23年因為經常不適，我叫醫生取下來，才知道T管一直放了17年，怎知道取下後天旋地轉，暈到一直干嘔入院了，耳塞耳悶感水泡卜卜聲困擾左一年。
在前幾天又再放置通氣管
我叫醫生建議，但手術醫生叫我自己決定放置長期或短期管
因為我也不懂，當時我很糾結，最後我選擇了T-tube管長期
1.其實以我情況應該放短期還是長期？
2.因為現在耳朵有孔，可以正常洗鼻嗎？
陳穎鈞醫生回覆
Leung 你好
多謝你的留言和提問。

根據你的描述，放置T-tube後十多年都成功地解決，或紓緩你的問題。而不置管時，則出現聽覺病徵。

所以你的情況，中耳置管是有明顯需要的，若果用短期管，好有可能需要經常重複手術。所以長期管應較適合你。

至於洗鼻，若洗鼻過程沒有引起不適，便可繼續。一般情況下, 中耳置管後並不會令洗鼻變得高風險。

希望你早日康復，身體健康!

耳鼻喉專科陳穎鈞醫生

會員# Hin
突然失去味覺
病患者男 - 30歲

你好，最近發覺突然失去了味覺，沒有其他症狀，請問是什麼原因？應該睇咩科？
陳穎鈞醫生回覆
Hin 多謝你的提問，

失去嗅覺一般比失去味覺常見，而嗅覺會影響味覺，所以兩種情況很易混淆起來！

失去味覺, 可以是因為味覺神經受損, 而引致的原因包括頭頸意外, 手術創傷, 病毒感染, 藥物或中毒；亦可以是口水缺乏，或舌頭黏膜和神經發炎。

要找出原因，需要全面的耳鼻喉科診症和檢查。

希望能解答你的問題，祝早日康復，身體健康！

陳穎鈞醫生耳鼻喉專科

會員#16777 so yan
鼻腔黏液
病患者女 - 44歲

陳醫生你好，

我鼻咽內經常有好濃的黏液，附著鼻腔內壁上面，很難先呻出，如呻得出是一塊很稠的黏液，已有6年了，感覺很不舒服，還有嗅覺不是很靈敏，為何會這樣？請醫生幫忙解答，謝謝
陳穎鈞醫生回覆
你好,多謝你的提問, 根據你所描述的情況,你應儘快向耳鼻喉專科醫生求診。祝早日康復

耳鼻喉專科陳穎鈞醫生

上一頁下一頁

醫務信箱
致陳穎鈞醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見