專科分類目錄

劉潔玲醫生答問

劉潔玲醫生(女)
Dr. LAU Kit Ling Phyllis
精神科
值得推介 : 19

會員# Chong
抑鬱焦慮？
病患者女 - 21歲

醫生你好！
我個性內向，對於好多野都會冇啦啦好驚，個心跳得好快，個人唔知想點嘅感覺，而且想法好負面。
只有做自己想做嘅野個段時先會輕鬆，但之後就會有罪惡感同埋又開始驚。

而且好易面紅同埋好易喊，有時同屋企人鬧交之後幾日都會喊，個段時間聽到有人話我就好驚，之後就會諗好想死依啲負面諗法。

有時我驚同人講野，連屋企人講野都唔想，好想只有自己一人。尤其依加搵工時期同屋企人發生衝突，我又會開始想喊，眼淚不自覺湧出黎，然後又開始諗負面野。一直循環咁。

想同屋企人講自己感受但次次都因為驚佢地唔理解而冇講，有時會因為一啲小事而發脾氣，自己控制唔到依啲情緒。
依啲情況都有2年，想知到係咪有抑鬱或者焦慮
劉潔玲醫生回覆
你好，看來你同時有抑鬱和焦慮的症狀，而且情況已經持續兩年，應該已是情緒病。現在的治療是非常有效的，可以是心理治療或藥物治療。建議你盡快找尋精神科醫生作詳細的評估，拖延只會令你繼續受苦，產生更多問題並令情緒更差。

謝謝

劉醫生上

會員#19407 Mok
抑鬱症？焦慮症？
病患者女 - 52歲

醫生你好！
我媽媽幾年前開始患上情緒病。一開始唔敢出街，連落街買餸都唔得。就算有人陪伴都不敢。之後去睇普通科醫生，醫生開了藥比佢食，稍有成效，慢慢可以出街，但去的地方只限附近。如果有家人陪伴就可以去更遠及未去過的地方。聽她講，她不能自己出遠門係因為會有突如其來的驚慌感。
她睡眠質素頗差，半夜易紮醒及訓醒好似無訓過咁樣。
呢幾年她靠普通科醫生開給她的藥物治療，每個月配30粒藥，但沒有consultation。病情維持但無改善, 家人想知會唔會有其他方法醫治。
請問可以點做？
劉潔玲醫生回覆
你好，你媽媽可能患上了驚恐症和廣場恐懼症，患者會因為害怕驚恐突襲而害怕出外，尤其是去人多和遠的地方。根據你所提供的資料，你媽媽的情況還未完全改善，她可能需要調整藥物，和接受心理治療。建議你帶她去看精神科專科醫生作一個詳細的評估，以商討合適的治療方案。祝你媽媽早日康復 !

劉醫生上

會員#19272 Sasa
壓力還是情緒病
病患者女 - 31歲

劉醫生，自從升任主管後，應付新的工種，經常瞓得唔好，最近凌晨4點或5點就醒左。又成日驚自己會做錯野，做得唔好，擔心俾上司罵。放鬆唔到自己，請問我這種狀態是壓力，還是真的有焦慮症?
劉潔玲醫生回覆
你好Sasa, 相信你現在承受着很大的工作壓力; 而早醒，經常感覺放鬆唔到，都是焦慮的徵狀，但是否有焦慮症就得做詳細的臨床評估。不過，無論是否有焦慮症，長期早醒也是需要處理的。因為長期睡得不好，會加深焦慮的情況，形成惡性循環。

會員#19167 0725
抗抑鬱藥一問
病患者女 - 18歲

你好醫師我未曾睇過精神科但我懷疑自己有抑鬱症而且想靠藥物控制病情因為即將要面對公開試所以想知道可唔可以靠藥物控制到自己既情緒/精神狀態恢復專注力亦都想知道普遍處方藥物大概要幾耐先可以見效？係咪一定要長期服用同埋會有d咩副作用？
唔該醫師
劉潔玲醫生回覆
你好，若果你懷疑自己有抑鬱症，應該盡快找尋精神科醫生作詳細的精神評估和診斷。至於是否需要服用抗抑鬱藥，主要看病情的嚴重性。如果病情只是輕微，有時是不用吃抗抑鬱藥，可能只需要一些輔導和定期運動也有幫助。如果真的需要吃抗抑鬱藥，有些人一至兩個星期已見效果，但有些人需要長一些時間，例如四至六個星期。你似乎是想考試前處理精神和情緒問題，所以請你盡快尋求專業的協助。祝你早日康復！劉醫生上

會員#19066 Yau Yin Hung
情緒成日起復不定
你好醫生，我去年12月開始成日無故唔開心，對所有嘢好似無曬興趣，跟住我朋友同我講話我太累叫我早少少訓覺，我聽佢講照做情況有所改善，直到年廿八前果幾日好似重無曬事咁，但過完新年又開始過了，而家情緒成日起復不定，一時就唔開心，一時就無事咁樣，係同人打機同埋聽歌果陣先好少少咁，我想問下我係咪有抑鬱症呀？？
劉潔玲醫生回覆
你好，無故不開心，失去興趣，疲累，是抑鬱症的症狀。當然要診斷是否有抑鬱症，除了看有多少抑鬱症狀，還要看其持續性，及對生活和功能的影響。你的情況比較反覆，但不排除有抑鬱的傾向。建議你除了有規律的作息時間和充足的休息，定時運動對情緒也有正面的幫助。但若果你發現自己出現持續的抑鬱癥狀，甚至有負面思想等，還是最好去找精神科醫生作詳細的評估。劉醫生上

上一頁下一頁

醫務信箱
致劉潔玲醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見