專科分類目錄

錢炳航醫生答問

錢炳航醫生(男)
Dr. Raymond Chin Ping Hong
骨科
值得推介 : 44

會員# Man
大腿後筋連腰痛
病患者女 - 30歲

早排跨欄姿勢跣落樓梯，「鄧」咗幾級樓梯，受傷的腳趾已好，但大髀後筋連同條腰彎低嗰陣會扯住痛，有時企得耐同做完運動後，彎腰都會痠痠軟軟咁，想知原因
錢炳航醫生回覆
謝謝來信，你仍在做運動，可見所傷者並不太嚴重，是可喜的，跨欄式動作肌肉筋腱最易受傷，猶以膞部和股骨肌肉為最，消炎止痛葯物和物理治療均有療效，但同時郤要減輕個別受傷肌肉的負荷，針對那些肌肉呢?則需要對運動創傷有經驗的教練或醫生安排了。
常有病人問是否坐骨神經痛或椎間盤病，我想，有這些問題應該更痛以至不能運動吧。但診病不能一概而論，眼見手到才能診治，倘持久疼痛不止，還是要看醫生的。

會員#23434 Robert Chow
腰痛
病患者男 - 65歲

有腰肌劳损史。另在大陸曾拍片診斷為腰椎終板炎症，4.5脊椎突出，腰椎管狹窄。曾做過多次物理治療及服中藥都無治療好。現在起床或彎腰執物都痛。這病是否能醫好啊？如果有的醫的話，貴處是否收醫療劵？請指教，謝謝！
錢炳航醫生回覆
謝謝來信，你說的腰椎終板發炎，是指腰椎有細箘感染的病，是極嚴重要住院打抗生素的病，讀你的來信應該不是與此有關。診斷腰背痛不能只靠拍照片，還需詳細身體檢驗，很多時候醫生對病人的親手檢查比X光更能幫助診斷，有了斷才能對症下藥。很多骨科醫生都收醫療券，我也是其中之一。

會員#23377 billy
胸口痛
病患者男 - 31歲

錢醫生你好
本人近幾個月已來一直有胸口痛問題
一直以來都認為是因為2019年尾旅行時患上的上呼吸道感染有關之後斷斷續續睇過幾次門診食咳藥等
直到3月尾左右呼吸時感覺胸口痛尢其是在呼氣時而又有乾咳未好恐防是染上新肺炎所以去左急症室
當時醫生幫我照胸x ray 心電圖都一切正常
而最後檢測新肺炎都是陰性佢之後就開左d 抗生素醫我既乾咳同轉介我睇內科但排到2021
及後咳就已經好得8899 但胸痛仍在間唔中有d背痛
到近排我發現原來我挺胸時痛會少d 寒背時又會嚴重d 痛楚唔影響我正常生活我仲可以去跑步但就不斷持續
想問下其實係咪胸骨或者神經線等等問題？
錢炳航醫生回覆
謝謝來信，你的胸痛由咳嗽開始，一般先要考慮胸部肌肉和肋骨間肌肉的損傷，姿勢影響這些肌肉所受的張力，故某些姿勢較痛，口服消炎止痛葯和物理治療對肌肉疼痛有效，可以先嘗試。

胸骨在胸口正中位置，本身與肋骨和鎖骨有關節相連，那些相連的關節也是可以受傷的，疼痛的位置應在胸部的中央，而且有觸痛的局部感覺，你自己或醫生可以局部檢查得到，葯物，物理治療和局部注射都有效。

比較少診斷神經痛，肋間神經有十二條，分從各層脊神經從胸椎往前面而來，但因受傷而導至疼痛是少見的，但病毒感染卻可以使病人感覺痛苦，都是在胸側，不應集中在胸口，而且有時有皮膚上有相對的紅疹。
綜合上述種種，需要逐項的專業檢查及試驗治療才可確診，一般醫生可先讓你吃藥或物理治療，倘效果不理想便要看骨科專科了。

會員#23342 MAN Ho Wa
關節炎
病患者男 - 25歲

朝上23/03/2020起身，右腳舟骨既跟腱突然覺得好緊，前兩日冇做過運動(本身有做開gym同雙腳係扁平足加外8字腳)，入晚行入房準備訓個時突然腳舟骨既跟腱感到劇痛，第二日基本上前腳同後跟要好用力幫手輔助行路，到左26/03/2020凌晨痛到訓唔到，朝早已經行都行唔到，要坐輪椅去睇家庭醫生，睇醫生之前按個舟骨位基本上已經唔點痛反而係腳趾公關節劇痛，結果判斷係痛風，食左3日消炎止痛藥都好唔番，到左30/03/2020凌晨腳趾公又痛到醒左(舟骨位已經唔痛)，又去睇多次家庭醫生(行唔到)，結果判斷又係痛風，食左3日消炎止痛藥仍然好唔番，到左04/04/2020凌晨腳趾公劇痛到醒左，決定去仁安急症睇醫生，要驗血同照X光，初步判斷都係痛風，開左10日消炎止痛藥，08/04/2020去覆診睇報告(個時要好慢咁行過去，依然好痛)，X光顯示骨完好，驗升報告顯示白血球有少少高同尿酸係正常範圍內(偏高)，當時醫生話唔多似痛風推介左我去睇骨科，骨科話骨骼正常，話驗血報告唔係最準去判斷係唔係痛風，唔能夠準確下判斷，最後開左3日類固醇加7日消炎止痛藥，17/04/2020去骨科覆診，循例睇睇，個時都叫行到路不過要好慢，醫生話要準備知係唔係痛風要抽發炎組織部分去驗，要我休息一個月時間唔好做太劇烈既運動同控制飲食，基本上都大程度好似係痛風。

上網檢查就話痛風多數痛1-2星期就唔點痛，但我3個星期先至行到路同1個月先至恢復到9成左右，到而家仍然有D緊同按落去有輕微既痛，雖然尿酸偏高但仍係正常範圍值內，會唔會唔係痛風?而係本身係扁平足加外8字腳，令跟腱長期拉緊到左而家就頂唔住而崩潰導致今次既腳痛?想問問做D咩檢查可以比較準知道係唔係痛風?驚影響將來既運動。
錢炳航醫生回覆
謝謝來信，而且是我讀過最詳盡的，我希望給我問題都如此，讓我有足夠資料作答。
你雖說尿酸測試偏高卻在正常範圍内，這是痛風病者常見的，所以此診斷不能排除。痛風的治療除了吃藥外，有時是需要局部注射消炎藥的，因為痛風發作源於沉澱於局部組織的尿酸結晶受激活，所引起的強烈發炎不一定能用口服藥物控制。
腳痛的診斷不定是單一的，有時可同時有超過一個的病源，所以應讓骨科專科醫生再作詳細檢查，對症下藥，不會治不好的，請放心。

會員#19910 阮小姐
右手二頭肌痛
病患者女 - 53歲

錢醫生，你好，本人由2019年8月份開始右手痛，由膊頭拉緊到落去手肘位，手肘位痛楚，時好時壞，威爾斯醫院物理治療師告訴是二頭肌問題，只做拉橡筋繩，但冇改善，想問應見骨科醫生還是脊醫合適呢？如何醫治?
錢炳航醫生回覆
謝謝來信，專業的物理治療師診斷是二頭肌的毛病，我是相信的，但長久不見效，我想你的疼痛還是有其他的病因，二頭肌的問題未必是唯一的病變，最常見的傷患有肩袖肌肉傷患和其他附著在肩甲骨其他肌肉的傷患，要逐一分辨，是需要讓骨科醫生檢查的.。

醫務信箱
致錢炳航醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

錢炳航醫生答問

醫務信箱