專科分類目錄

方子明醫生答問

方子明醫生(男)
Dr. Fong Chi Ming
骨科
值得推介 : 58

會員#17772 kenny13457
膝頭哥不斷劇痛，是甚麼原因？
病患者男 - 16歲

我本身有打開籃球，在好幾個月前開始，膝頭哥不斷劇痛
尼家每晚睡覺時，就會感到劇痛，同時不能睡覺
而且平時在活動時會發出「咔咔」聲。
亦會感到非常無力，尤其是在上落樓梯時
加上在每次運動完後，痛苦更為劇烈
但在醫院照x光時並沒問題，想知咩事?
方子明醫生回覆
你好Kenny,
好可能你是患了Osgood Schlatter Disease, 大多數患者都是因為持續進行大運動量的體育活動或訓練後，膝蓋關節前方脛骨上端會有隆起和腫痛現象，其他引致你病徵的原因例如壓力性骨折，半月板受傷也不容忽視，建議你找到一位合適的家庭醫生或骨科醫生作詳細檢查。

骨科方子明醫生

會員# kk
尾龍骨移位
病患者女 - 30歲

想問下進行肚探繼而把後方的尾龍骨拉正是不是很小的手術呀？過程要多久？
進行前會打麻醉藥嗎？
做後要多久才康復呀？
是不是只用手指定要放固定器在內呀？
謝謝你！
方子明醫生回覆
K K 你好，
首先不太明白為何有這樣的要求，是否因創傷後發覺尾龍骨移位，但一般人創傷而引致的尾龍骨移位的機會很微，就算照過X光後發覺有骨折的情況下也只是進行保守治療，例如食藥和物理治療，復位是沒有必要的，更加沒有任何固定器可以放在肛門那裡，為避免不必要的延誤和診斷希望你能找一位合適的骨科醫生作詳細檢查和解釋。

骨科方子明醫生

會員#17679 chiu
應該睇專科？
病患者男 - 37歲

醫生你好：
我早年幾整親隻手，痛左成個月到跟住就好返，最近呢半年又開始痛返持續到現在，有時反覆痛D，睇過好多跌打都冇大進展，x光都冇骨折，究竟要睇專科還是普通科？
方子明醫生回覆
Chiu 先生你好，
建議你找骨科醫生作詳細檢查及帶同相關x光作參考，在有需要時可能輔以磁力共振找出原因。

骨科方子明醫生

會員#17665 Kelvin
骨刺(頸)
病患者男 - 54歲

頸後有骨刺,不時會頭痛頭暈,食飯低頭時會唔舒服,訓覺時會手痺,請問應該點處理?
方子明醫生回覆
你好，
頸部退化而引起的症狀包括頸痛，上肢麻痺，無力，若加上有骨刺和頸椎椎間盤突出，便可能會做成頸椎病(cervical myelopathy), 除了以上所講的病症外，病人還可能會有雙手笨拙的情況出現，下肢亦可能會出現相似症狀，從而影響行路, 建議可以找骨科醫生作詳細檢查。

骨科方子明醫生

會員# 橙
應該睇邊科？
醫生你好！
有個問題已經纏繞咗一年半有多，睇左好多醫生都搵唔到病因，好辛苦好困擾日常生活！請醫生幫幫手，資料如下：
男性，32歲
病徵1）行路嘅時候個人好似企唔穩咁，每行一步都沉一沉，感覺就好似踩棉花，或者係落船搖下搖下嘅感覺，有時好似有人推我咁，會想跌，但旁人睇我行路覺得我完全冇問題，行得好正常，唔覺得我似會跌。情況一年半有多，每天如是。（最主要係呢個病徵好影響日常生活）
病徵2）左邊後腦至頸部常覺不舒服，似有野壓住後尾枕。
病徵3）左耳常塞，搭𨋢去到十樓左右就會塞左。
病徵4）後腰條骨有一節按下時會痛，有時彎腰都會痛。
.
以下係我睇過的專科：
1）一開始睇椎醫，照x ray 指脊椎有少少彎曲，及頸椎較直。但唔算大問題。
2）然後睇耳鼻喉科，冇問題，唔係耳水不平衝。照鼻，耳，頸甲狀線，全部正常。
3）之後睇腦神經科，照頭部mri，驗血。腦一切正常，驗血報告指白血球數較偏低，但腦科醫生話唔係大問題。
4）一段時間後，情況仍然一樣，再睇一次腦神經科，再照腦mri，驗血，肝腎功能，甲狀線，全部正常。
5）轉睇精神科，醫生話係焦慮症，食左三四個月血清素加其他輔助藥如減慢心跳，但清況一樣，完全冇改善，精神仲比之前更差，影響工作。
.
最近覺得情況又差咗，行路浮沉感愈來愈嚴重（但重申一次旁人睇我係冇問題），最近亦常頭痛頭暈，好想知道自己究竟咩事，要睇咩科先可以幫到我？
大約6個月前照過腦，一切正常，使唔使再照一次？
定係要睇頸/腰？行路浮沉關唔關頸腰事？咁要睇咩科？
定係其他身體問題？
請如果有醫生解答到，請幫下我！！
謝謝！
方子明醫生回覆
你好，
據你所說頭頸及腦的MRI已經做了但找不到原因，耳鼻喉科和精神科醫生亦都看過、血也驗了都找不到問題所在，你的問題可能不是單一原因引至或單一專科可以醫治，我考慮找一位相熟的家庭科醫生作詳細診斷及需要時專科轉介

醫務信箱
致方子明醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

方子明醫生答問

醫務信箱