專科分類目錄

方子明醫生答問

方子明醫生(男)
Dr. Fong Chi Ming
骨科
值得推介 : 58

會員#18061 吳太
爸爸左腳眼骨折，求幫助
病患者男 - 73歲

爸爸7月16行山失足導致左腳眼骨折，已到明愛醫院打石膏，明愛醫院亦安排了8月14到醫院檢查。但爸爸皮膚向來不好，打石膏此段期間腳部非常痕癢，已用上醫生止痛藥及止痕膏仍沒有幫助。另外，我爸爸早2天亦到化驗所照了x光，姑娘說受傷的位置已癒合，請問醫生能否提早到診所拆石膏? 還望回覆，謝謝
方子明醫生回覆
吳太妳好，
根據你提供的資料你先生在7月16日受傷，今天剛好是受傷後的第十天，一般來說骨折需要四至六星期才可癒合，早兩天的X光亦即是受傷後的第八天我估計骨折完全癒合的機會很低，所以把石膏拆除的機會也很低，當然亦可考慮把石膏轉為一些較為輕便及透氣的塑膠物料以減輕痕癢的不適，可考慮帶同有關的X光片找骨科醫生提供意見

骨科方子明醫生

會員#17838 Vicky Ho
黃韌帶增生造成腰椎管狹窄
病患者女 - 50歲

我去年9,10月開始腳痺，由腳板各上伸延，最初右腳到依家左右腳都有痺，最嚴重上到腰，現在都去到 PAT PAT。
初初睇西醫 (骨科) 照左X光話 L4 移咗位，就無再跟進
轉去睇中醫，大半年無太大進長
剛剛照左 MRI 話 T11 黃韌帶增生造成腰椎管狹窄，建議我做手術，請問是否一定要做手術 ?
有無其他方法去醫?
方子明醫生回覆
妳好Vicky,
黃韌帶增生是引致下肢麻痹和走路不暢順其中一個主要原因，若再加上脊椎移位，神經線受壓的情況就進一步受到影響，因你的年紀不算大，若果身體健康情況理想的話，做手術可能對你的得益為大，建議找合適的骨科醫生提供意見。

骨科方子明醫生

會員#18041 嘉華
脊椎內有水囊
病患者男 - 25歲

醫生你好，請教解答一下關於我既問題，我係上年10月中因車禍後幾日發現右腳開始麻痹，同腰部開始病，醫生介紹我去照左磁力共振發現左我右邊脊椎L3與L4之間有個0.7cm的的水囊，骨科醫生大概既結論係唔關佢地科事，因為骨冇問題，而家又到神經外科話因爲磁力共振照片睇到大約係冇壓住神經線，又將我轉左去痛症科，我問左醫生（好多個）佢地有啲就話係有可能因為車禍，因為佢地個個都答我現時醫學科學冇一個好明確係成因，但有幾個就好似一口咬定唔關車禍事，所以我覺得好混淆，既然係一個未知數但我唔明白點解佢地會講到好似一定唔關車禍事，我自己想知道既係，我係應該睇邊一科，因為我想搵個權威醫生睇下，我有甘既想發並唔係我信唔過公立醫生，而係呢個病對我黎講好困擾，我好想有人可以明確小小講比我聽今後我應該要點做.

（補充小小，醫生話唔建議開刀，就甘由佢，但我真係痛，雖然唔係劇痛，但同一個位24小時都好個比人用力按住，真係好無奈，腳又冇力，又有麻痹，而家就算食左止痛藥都好都痛，可能開始有免疫）
方子明醫生回覆
你好，
根據你的描述，磁力共振的結果顯示脊椎內有水囊這確實是腦外科醫生的範疇，除非磁力共振同時也發現有其他骨科問題例如椎間盤突出，否則骨科方面也未必有確實的治療方案，煩請見諒

骨科方子明醫生

會員# Yee
膝蓋痛
病患者女 - 17歲

你好醫生
我經常行行下嘅時候膝蓋會屈一下然後企吾穩
平時都經常會膝蓋痛小腿痛足痛大腿亦感到有些不適
這樣已經有一段時間了
不知是否因打排球而引發
但已經沒有打一段時間
痛楚仍經常發生兩邊膝蓋足部小腿大腿亦是相同情況
不知這是為什麼？
而且應該看什麼醫生？
中醫還是西醫？
方子明醫生回覆
妳好Yee,

據妳所描述有機會是波羅蓋的軟骨出了問題，又或是本身的波羅蓋先天性鬆脫，可考慮找骨科醫生作詳細檢查

方子明骨科專科醫生

會員#17875 holam
腳裸關節長期痛症
病患者男 - 24歲

醫生你好，本人曾於數年前拗柴，長期腳踝關節內感到痛楚，曾照x光，醫生說骨無問題，又試過睇政府門診，說是韌帶傷，醫生亦感覺關節比一般人鬆，轉介到醫院的物理治療，感覺沒有幫助，本人有疑惑否真的是韌帶傷，希望可以確診後對症下藥，不知應該睇骨科還是睇其他科，還是復健科？
方子明醫生回覆
你好holam,
聽你的情況也許是患了慣性足踝扭傷recurrent ankle sprain injury, 這多數是早前足踝扭傷俗稱拗柴，韌帶也一起受傷大霧得不到適當的醫冶的後遺症，嚴重者更可能因而影響到足踝關節的穩定性，造成軟骨受傷，建議你請教骨科醫生作進一步檢查，從而得到適當的治療。

骨科方子明醫生

醫務信箱
致方子明醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

方子明醫生答問

醫務信箱