專科分類目錄

陳蔓蕾醫生答問

陳蔓蕾醫生(女)
Dr. Chan Man Lui
精神科
值得推介 : 9

會員#23120 Mandy
焦慮呼吸不順耳塞感
病患者女 - 36歲

醫生你好,

我最近身體出現特徵,
身體常出現發熱、易醒、手腳心發熱、耳有阻塞感、口乾、呼吸困難、有缺氧感、喘氣、胸口緊緊、四肢無力攰、背痛、頭有時飄飄然。
精神方面, 焦慮、不安、注意力不集中、全身倦怠(即使睡眠充足)、很容易疲勞、做任何事都沒心機。

已做心肺CT、超聲波、肺功能測試、耳鼻喉檢查，全部正常

非常影響我工作及生活, 希望得到醫生意見。

祝工作愉快
陳蔓蕾醫生回覆
你好，

根據你的情況，有可能患有健康焦慮症（即疑病症或身心症）。患者通常有各種身體的不適，往往這些病徵出現後，病人通常擔心這些病徵可能代表一些嚴重疾病，例如心臟病、中風、癌症等等。於是，便會四出求醫和不斷檢查。而這些病徵在徹底的檢查後仍然找不到真正的原因。繼而又再轉另一科專科醫生檢查。由於找不到原因，這樣令病人更加擔心，有些病人，因為身體不適而減少外出、減少和家人見面、胃口和睡眠亦大為影響。最後便導致真的日漸消瘦，情緒低落等等。

如果經過徹底的身體檢查，仍然無法找出病因，可能是精神出現問題，建議你找精神科醫生協助及治療。謝謝

陳醫生

會員#25840 Shadow Tsang
兒童精神問題
醫生你好，小女11歲，早在幾個月前，不停發出嘻嘻抽搐的怪聲，及久不久就做出抽搐的怪異動作，有時一分鐘有幾次，有時半個中一次，不定。。問她為何這樣，她說控制不了，曾致電老師，問在校有否這樣，老師就說沒有發現她有這樣問題，上年也發生過這樣的情況，心想會否同食物有關。。因她很喜歡食甜食，之後就盡量不給她甜食或剌激性食物，不久就沒有這情況。。但今年又開始這樣，仲嚴重咗，試過無啦啦因為抽搐動作把碗碟也打碎。。想知道她怎會這樣？是精神有問題？是對食物敏感。。。謝謝解答
陳蔓蕾醫生回覆
你好，

根據你的描述，你的女兒有可能患上妥瑞症(tourette syndrome)。這是一種腦神經內科疾病，通常病發於兒童或青春期期間，患者常見的症狀是一些不由自主的動作或肌肉抽動，例如眨眼、搖頭、聳肩膀，以及發出一些以上的聲音，例如青喉嚨、怪叫、甚至說粗口等。有些病人同時間也會出現強迫症症狀。

有時，妥瑞症也會和專注力失調過度活躍症同時出現。

有部份妥瑞症兒童病人隨着年齡增長，病癥會不藥而癒，有部份人情況會減輕，只有少部份病人會有持續明顯的病癥。而這些病徵通常受着精神狀態影響，例如測驗、考試等均會令病情惡化。因此，患有妥瑞症病人並不一定需要長期服藥的。

不過，由於妥瑞症常常和其他發展問題同時發生，例如專注力失調過度活躍症，而有一些精神病的病癥也很容易和妥瑞症病徵混淆，建議你盡快找精神科醫生做檢查及治療。

陳醫生

會員#25736 你好
瞓唔到，就係好驚
醫生你好，我媽媽60歲鬆，近呢幾個月開始出現問題，我唔喺香港，疫情我返唔到香港，朋友介紹你比我，我先嘗試留言，再諗辦法去游說身在香港嘅媽媽去見你。佢每晚9點幾瞓，2點幾就會醒，瞓唔返，成身冒汗，近呢星期就更嚴重... 日頭就不斷話好驚好驚，街都唔去，唔敢出去。佢就終日睇新聞，見到新聞就加自己幻想，自己嚇自己。叫佢去正視問題見治療，佢話冇用，覺得自己身體上有更多問題令佢出汗... 不斷話點算點算點解決好驚好驚，佢好驚又話知自己有問題但又唔去正視，再講多兩講就會話唔好再講，驚比其他人知道佢有問題... 真係唔知點叫到佢去睇醫生之煩...
陳蔓蕾醫生回覆
你好，

根據你的描述，你的媽媽有可能患上情緒病，例如焦慮症、驚恐症或心情欠佳。焦慮症的症狀便是感覺神經緊張，或覺得好驚。會對外界事物有過敏的反應，尤其看到負面的消息，反應更加強烈。驚恐症或其他類型的焦慮症，也有可能導致你的媽媽害怕外出。睡眠質素通常都會受到影響，普遍來說，都是睡眠質素差、很難入睡、或天未亮就醒來，無法再入睡等等。

你可以就着你發給我的訊息轉告你的媽媽，和她討論一下，看看她會否改變主意，看一看精神科醫生，接受治療吧。

謝謝

陳醫生

會員#25347 Simon Siu
情緒病是否同性格有關?
病患者男 - 44歲

本人十年前因感情問題就有焦慮,抑鬱就開始求醫, 但都未完全根治, 最近轉了醫生服用緊, REMERON 15MG, PRISTIQ XR 50 MG, PRISTIQ 25 MG , STILNOX 10 MG 其實病情都比較穩定,
有好大改善, 唯獨仲係怕訓唔著戒唔甩安眠藥, 最近又發現自己又鑽牛角尖, 個人感覺唔舒服, 又質疑對自己另一伴的情感, 覺得自己好奇怪, 唔知自己點解有咁既感覺, 於是又好驚好亂
但我發現我經常性都在轉圈, 我想問是不是要再加藥?但又怕越食越多, 定係我要改變一下我思維模式才能根治這個病?
陳蔓蕾醫生回覆
你好，

由於你已在服食你精神科醫生的處方藥物，我相信你的主診醫生會更清楚你的狀況，建議你向你的精神科醫生說出具體情況，讓他為你作出更適合的治療。謝謝

陳醫生

會員#24407 jerry
困擾多年的精神問題
病患者男 - 19歲

小弟有精神問題困擾，已困擾數年而且有惡化跡象，今日終於鼓起勇氣請教。

小弟自小已經常常因不小心/”論盡”而犯錯，唔見嘢跌爛嘢唔記得嘢都已經係家常便飯。我亦有時會喺人哋講緊嘢嘅時候發夢/遊魂，聽唔明instruction要聽多幾次先明，小學有時玩遊戲/PE堂嘅時候都因為唔明老師/同學嘅指令而呆咗喺度，所以我極害怕需要多人互動嘅活動。除此之外，我初小嗰陣都有見過言語治療師，大概係因為聯想力差、咬字不清同埋表達能力差咁(小學中文oral經常拎C/C+)。好自然咁，我由細到大都極怕羞怕事且無自信，朋友唔多，而就算同朋友幾熟都好，講嘢時都會成日deadair搵唔到話題。

到大槪中二中三開始我發現自己精神狀態越嚟越差而且有lazy eyes(唔知關唔關事)，原因不明。慢慢開始覺得成日都好攰、無活力、瞓夠8個鐘都係咁，而上段講到嘅所有徵狀都越嚟越嚴重，但因中學始終著重試卷操題依啲勤力就高分嘅考核方式，中學成績唔差(除咗中文)，故亦無太重視自己嘅精神問題。

但上到大學因為practical/lab 佔比多咗好多，而我就因為成日唔明instruction+心不在焉而唔知做乜、失好多分，有次上practical更被professor當住十幾人面前鬧我，此外好多presentation 去到Q/A session都會因為聽唔明問題/聽到一半遊咗魂而唔識答、呆咗喺度要partner幫手。

除咗學業之外，我自己就算喺屋企都好難搵到一件自己可以專注幾個鐘頭嘅事嚟做，成日做緊A嘅時候就會走咗去做B，上一刻諗住做嘅事下一秒就唔記得咗，最後不知不覺浪費咗一日，自己亦會因為浪費咗時間而覺得沮喪唔開心。社交方面，小弟本身不善社交，現在有時中學同學約見面，心裏雖然想去但亦會因怕出醜而唔去，大學同學又無法融入圈子，嚟嚟去去都係見嗰幾個相熟嘅朋友，故經常都會覺得孤獨同悶。依家嘅我感覺好似活死人咁，日日都無所事事，唔知自己做緊啲乜，亦睇唔見將來，睇見同學嘅生活多姿多彩，自己又羨慕又失落。

我自覺自己有社交障礙，但依個社交障礙都應該係衍生出嚟嘅共病嚟嘅，而本身嘅精神問題我搵極都唔知係咩病，有諗過會唔會係ADHD-i(好多symptom都中)，但有幾樣嘢同ADHD嘅人有唔同。第一，ADHD病人通常成績都較差，但我成績一直唔算差(至少可以一take入U)。第二，ADHD病人通常想像力較豐富，但我聯想力差而且0創作力，諗個作文題目可以諗半日都未諗到。第三，ADHD嘅徵狀應唔會隨時間惡化吧。第四，ADHD嘅人應該有用唔盡的活力，但我唔係咁，自中學開始仲要成日都好累無活力。

以上長文，想請教下醫生我究竟係咩事? 希望能夠找專科醫生解決問題。
陳蔓蕾醫生回覆
你好，

根據你的描述，你可能是患有專注力失調過度活躍症（ADHD，Attention deficit hyperactivity disorder)。

很多人都唔會ADHD成績一定會差。ADHD其實只是專注力失調，並沒有說患者智力低下。事實上ADHD和智商有一點關係，但也不是絕對。有很多患者其實智商很高，甚至是資優生，只是無法集中精神讀書而已。

就好像一部車子，它的引擎馬力很大，但是卻載付很重的重量，那麼，車子還會開得快嗎？那樣就要看究竟車子的引擎能否戰勝車上的負載重量了。

如果患者智商很高，學習時只需看一眼便懂，那麼便不需要太長集中精神的時間也能夠考到理想的成績。如果患者智商平庸，需要很長的時間才能明白學習的事情，那麼便要集中精神較長的時間才能考到理想的成績。

閣下能夠一次考到大學，證明你的智商是比較高， ADHD只是把你的潛能坐低，令你的智商無法盡情發揮而已。

第二， ADHD病人並不是聯想力特別豐富，只是他們的思想很飄忽，東拉西扯無法集中在同一件事情上面思考而已，並不代表他們想像力特別豐富。

第三， ADHD大多數情形下，應該隨着時間有改善才對。因為大腦發展會慢慢學習到專注的能力，因此，同一個病人身上比較，他成年的專注力應該會比童年時為高。可是為什麼仍然覺得專注力好像比以前差呢？原因是社會對小學生專注力的期望比成年人為低，亦會因應小學生的專注力長短而設計課程。但是到了成年大學時期，課程設計亦會期望學生是成年人的專注水平。雖說成年的患者專注力比童年時好，但是增強了的專注力也不一定能夠追上課程的增長，因此可能逐漸無法追上同齡的學習期望。再加上ADHD病人不斷遇到無數困難，時間長了很容易會產生其他併發症，例如焦慮症抑鬱症等等，這些病症也會拖慢腦部思考，令學習越來越困難。

第四，ADHD患者是自己已經有足夠的活動，但是感覺還未足夠，因此，才勉強自己的身體繼續活動。這並不代表身體比其他人更多活力。其實由於消耗更多體力，有時會比正常人更疲累。

希望能夠解答到你的問題。

謝謝

陳醫生

醫務信箱
致陳蔓蕾醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

陳蔓蕾醫生答問

醫務信箱