專科分類目錄

方秀儀醫生答問

會員#17177 cindy
可以根治到慢性盆腔炎嗎?
病患者女 - 33歲

方醫生你好，本人兩年前2015年做過一次藥流後就開始慢性盆腔痛，非常小腹兩側痛，肛門痛及間中小便都痛已有兩年時間至今，期間睇過好多個婦科醫生都話係慢性盆腔炎，但一路食咗抗生素好多次及打抗生素針亦有好幾次都唔好，仍然係痛，期間亦照過腸科同埋泌尿科，但到最後都係被轉介返到婦科，最近有婦科醫生建議我做腹腔鏡檢查，但我明白到腹腔鏡檢查都只係一種檢查，不能根治我的盆腔炎，方醫生假如我真係得到了慢性盆腔炎，而食藥打針都試過多次唔好，咁我想問下如果我做子宮及輸卵管切除手術保留卵巢的話，可以根治到慢性盆腔炎嗎?
方秀儀醫生回覆
Cindy 你好，謝謝你的提問。

一般來說，慢性盆腔炎都比較難根治。多以止痛藥止痛，增強自己的免疫力以防急性盆腔炎。如有急性盆腔炎，需完成整個療程的抗生素。

腹腔鏡手術可排除腹痛的其他可能性，如子宮內膜異位。如有黏連，可用手術分離，有些人分離黏連後疼痛減少，有些人疼痛依舊。

建議你找你的婦科醫生作詳細檢查，視乎你的徵狀及嚴重性，提供適切的治療。

方秀儀醫生
婦產科專科醫生

會員#17422 Hau chin mei
性冷感
本人自從2012年生完仔,患有甲亢後，便出現性交疼痛問題，性交時無論做多少前戲，去浪漫的酒店,依然沒有興奮感覺,陰道完全沒有濕潤的分泌物,十分乾,所以陰莖根本入不去,勉強便十分痛,為了滿足先生,只好每次用大量潤滑劑,用了後,雖然能夠進入去,但完全沒有感覺高潮,不論什麼體位也沒有感覺。

未生仔未有甲亢時,我不是這樣的,以前每一次一撫摸我都巳經很興奮很濕潤,所以我肯定不是心理因素,因為我不抗拒我先生的撫摸,甚至我還嘗試事前看Av片培養情緒,但一入正題下面依然很乾，我是否生理性冷感呢？有冇類似案例,如何醫治?有什麼檢查要做?可以食藥令下面濕潤嗎?
方秀儀醫生回覆
你好，謝謝你的提問。

建議你找婦科醫生檢查，以排除病理性原因，如子宮內膜異位、盆腔炎、陰道炎等。

如沒有以上問題，則要轉介精神科醫生作檢查。

方秀儀醫生
婦產科專科醫生

會員#17363 Patrick Lau
子宮脹痛
病患者女 - 26歲

1月17日黎完m之後一直無事，係分泌物keep住多，2月6號開始流小小啡色既分泌物，無痛，之後2月13睇中醫，中醫話我有2個機會，1係過勞內出血，1係子宮有肌瘤爆左，食左3劑之後開始黎m（2月15-21日），完左m都持續有小小血（唔洗用m巾，用護墊就得，流紅色既血），2月26號停左流血，轉為淺黃色似痰既白帶（間中有血絲），之後2月27睇第二次中醫，中醫師話之前果d第二日食完藥出現下腹陰陰痛（似谷m果隻）無血出，仲係流黃色痰狀白帶，由2月28開始個肚都係陰陰痛，3月3日下午個肚痛到嘔左一次，有成日都想大便既感覺，下腹漲大墜住墜住，之後睇急症，醫生話係腸胃炎，食左消炎止痛藥加肚痛藥，但都係陰陰痛，下腹仲係漲，一路至今日都係咁同埋成日想大便（每日大便至小兩次，便仲軟身啡紅色)
方秀儀醫生回覆
你好，謝謝你的提問。

由於你有不規則陰道出血，也有腹痛及異常分泌物，建議你找婦科醫生作詳細檢查，包括子宮頸檢查、陰道分泌檢驗及盆腔超聲波，以確定病因以作適當治療。

方秀儀醫生
婦產科專科醫生