[ 眼科 ] 視力同手術前既一樣

屋企人10 月7日(星期五)去盲人協會做白內障手術
協會安排左呢個醫生做主診
網上資料此手術通常都是做完隔一日再去拆紗布的
點知呢個醫生話自己星期六要放假, 叫個病人做完手術即日去佢診所拆紗布
仲要唔係去番盲人協會, 係要求病人去佢自己尖沙咀的診所
真係不知所謂, 完全無為病人著想過!!!

好啦, 咁都無計都要去佢間診所啦。
去到拆完紗布又收多$800, 拆個紗布8舊水真係搶錢!
屋企人話視力同手術前既一樣
問醫生, 佢話需要時間恢復, 咁好啦聽住先啦

之後過左一個月去覆診, 呢個醫生話自己唔得閒, 叫協會安排另一個醫生覆診
我聽完真係燥左, 呢個咁既"醫生"真係好不知所謂!
完全係自私行為, 三番四次都要病人就佢!
自己做完個手術唔成功就拍拍羅友射個波俾其他醫生
有無醫德呀你???

其實呢個手術成功率達97%
我屋企人依家過左一個月視力都未恢復
本人極度懷疑呢個醫生係手術失敗一直係度拖住我地
每次覆診都話要加錢做檢查做掃瞄, 一收就幾千!
你係搶錢定醫人呀? 黃xx"醫生"