[ 牙科 ] 咩服務態度！ 收我四萬幾蚊

其實係去cool 牙 但好差 懷疑佢咁出名係靠網絡打手
我四個月上去三次，剩係見過醫生一次（三分鐘），就係第一次上去咨詢未幫襯果次，勸你點cool棚牙。姑娘會講到個plan勁pro又附送洗牙同檢查，但其實都係做得勁頹。之後連出電腦圖都係得個講野超快嘅姑娘同你講詳細點cool 你問佢問題佢又唔夠pro去答你。感覺好差！ 電腦圖出得慢 個模又慢，我唯有打去問 點知個姑娘話佢地食緊lunch, 話再打番俾我 我之後有會要開 叫佢5：30後先打 個姑娘竟然兇我話叫我5：30後自己再重新打過去！ 咩服務態度！ 收我四萬幾蚊 ，個進度離奇地慢都算，仲要求求其其！勁嬲囉！