經歷詳述:
我大約一年前眼睛突然劇痛,視力模糊,十分害怕,致電幾個醫生,都話要下個星期才有位,再試何醫生,姑娘在電話問我眼有什麼不舒服,便說我今天可以來,我心諗,網上有負評,又無客,咁容易約,都諗下好唔好去,但實在太痛,姑且一試,點知上到去,坐滿人,但又很有效率,等廿分鐘就到,醫生話我角膜炎,又話不是細菌感染,是免疫系統的問題,滴幾日類固醇便好,不用擔心,我未來得及反應,未想到要問什麼,就話可以出去拿藥,點知用了兩次藥已經無咁痛,三日便好返,
我今次生眼瘡,心想,上次都算可以,睇生不如睇熟,就再去找何醫生,今次無咁多人,我問返上次角膜炎的問題,她都一一解答,又解釋眼瘡手術程序及風險,護士姐姐就向我解釋要不要先搽止痛藥膏才打止痛針,但要搽45分鐘,手術真係唔係好痛,比起幾年前在另一個醫生度做果次好得多,
回想上次,可能是加了我這些急症,病人多了,醫生便有點急,使人有點感到不快,但我情願當天有得睇,好過下星期,我盲了,才慢慢同我解釋病情

簡評:
個人觀感- 經驗豐富、絕不拖症
經歷過程- 雖則過程簡捷，診效尚算明顯
推介意見- 值得向有需要人仕推介