經歷詳述:
本人真係要為馮醫生大平反！佢絕對是一個不可多得嘅皮膚專科醫生！ 本人一直有濕疹，轉天氣容易復發，家庭醫生睇開何x芳由九龍診所搬到中環，濕疹問題一直都冇斷尾，直到有次用錯包裹式衛生巾，物料唔啱自己觸發接觸性皮炎，初期有水泡含膿穿咗，引起發炎，兩邊大腿內側有手掌咁大面積似燒傷嘅患處，痕腫難耐，徹夜難眠，生活受到嚴重影響，中間曾有自殺念頭，正因睇過何醫生三次更用過她最強嘅類固醇藥膏都醫唔好，正當萬念俱灰、絕望之際，以一試心態，用醫療卡睇咗公司附近當時仍有灣仔卓健嘅馮醫生，就係我嘅康復之路⋯⋯

前後睇咗六次，當時馮醫生係卓健掛診只會係早上，多數都準時或者等一陣，從來冇試過等半個鐘或以上；更加冇貪快求其應診，佢有細心聆聽病情，對症下藥，一開始開咗三支藥膏類固醇成份亦不大，由淺到深俾我試，更叮囑我要跟佢指示定期更換個人用品、穿着純棉貼身用品等。

馮醫生嘅專業判斷，我睇完第一次已經有舒緩效果，第二、三次皮膚更有明顯改善，更可以講斷尾，複診到六次只因貪靚打咗美容針有副作用，先再返去睇佢，佢有勸告我勿用入侵性醫美針劑影響皮膚等等，如有需要更可以介紹專業醫美醫生俾我。 馮醫生曾經係養和既皮膚科顧問醫生，實力不用置疑，所以佢絕對係一個可靠專業嘅皮膚科醫生！

簡評:
個人觀感- 醫術精湛、鉅細無遺
經歷過程- 醫生會主動探索其病因及治療
推介意見- 已視為本人的必然選擇