經歷詳述:
因為用醫療卡隨便睇一間,結果中伏!!!

首先上到去得一個病人,而果位病人都等咗幾個字先入到去,佢前面係無人睇緊,到我既時候已經等咗個幾個鐘,唔知係咪每睇個病人佢間診症房都要大消毒一次呢?

登記果時姑娘話一定要做檢測,我以為係入房即做果種,點知唔係,佢會俾一袋野你自己第朝吐啲痰落去,再自己拎去收集點,話一定要做,政府法例要求。結果我下午去另一間再睇,根本唔係一定要!!搞到我第二日又要請多半日假!就係要拎個樣本去化驗。如果唔肯做就唔俾睇醫生!

入門口有個姑娘拎住支消毒酒精,之後先入醫生房,入到醫生又問一次個人資料,同登記果時問啲問題一樣。之後我話我喉嚨痛,佢問我痛咗幾耐,我話兩日左右。但佢完全無睇過我喉嚨,繼續寫佢張紙。之後聽咗個心,我話暈,佢搵姑娘幫我量血壓。咁就完咗!

全程我不斷好想同佢講清楚有咩唔舒服,而佢根本無心聽,都唔知我有咩唔舒服咁。

到拎藥果陣我見我兩包藥,我未試過咁既情況,我問姑娘呢兩包有咩作用,佢完全唔知要入去問番醫生,之後出黎同我講話一隻早一隻晚,食完雙亙有作用。我話:下,咁我話喉嚨痛、頭暈呢?無特別開藥俾我?之後姑娘又入去問醫生,出番黎又係答番我一樣既野!!

之後我跟藥名上網查下,結果係必利痛同防敏感/鼻敏感藥!!大佬,我都唔係睇鼻敏感!亂開藥俾我!果兩種藥係仙丹?咩病都得??

一啲醫德都無,真係忍唔住要公佈佢既缺德行為!!以後亦唔會再睇!!

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧