經歷詳述:
大囡28週早產，慶幸出院時已認識周醫生，佢為人細心、專業、有豐富處理早產兒及兒科經驗，對小朋友有愛心及同理心，對家長講解病情非常詳盡，有耐性唔會睇完講兩句就趕收場，認識周醫生超過10年，小朋友對周醫生都非常信賴，感受到他用心醫治。

周醫生唔會作不必要的額外檢查/治療，斷症準及用藥到位，即使病徵係咳，佢會診斷到小朋友因咩原因/感染而咳，繼而處方合適嘅藥，基本上睇一次小朋友已經漸漸康復，甚少需要再覆診。而且周醫生唔會隨便輕易叫人入院，常常聽到小朋友因為發燒而入院，慶幸小朋友未試過，最近細囡發燒幾日，經醫生診斷腺病毒感染，佢會講出小朋友病情會持續幾耐/點發展，大大減輕家長擔憂，之後發生嘅都如佢所形容，可見周醫生臨床經驗非常豐富，診斷精準，咁多年都未試過小朋友因發燒而輕易叫入院留醫，反而家長會知道點解小朋友發燒，及面對每次不同症狀應如何應對。

絕對推薦周醫生給想尋找細心、專業、有愛心兒科醫生的家長。

簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇