經歷詳述:
之前有朋友屋企人睇過俞昌醫生，讚不絕口。所以試吓去陪阿爸去睇俞醫生。之前係公立醫院排咗好耐期先見到專科，但睇咗好幾次，dum咗幾個月都未診斷到佢乜嘢事，睇咗俞醫生一次，立即安排檢查就查到原來阿爸前列腺癌，可惜唔知係咪之前係公立醫院dum太耐，而家已經擴散左。俞醫生好細心，阿爸年紀大，講嘢論盡，佢就好好人叫佢唔好緊張慢慢講。俞醫生建議佢打荷爾蒙藥控制病情，雖然佢都有得打，但好體貼地告訴我們針藥本身都昂貴，而且同政府醫院打既針係一樣，所以同我地講可以考慮吓先。我覺得佢好有醫德，會真係係我哋病人角度幫我地諗，真係一個仁醫。最後我哋都係俞醫生度打針，因為政府實在等太耐，不想老人家辛苦。結果阿爸打完針之後，再加上俞醫生開嘅藥，癌症指數立即下跌了很多，而家一直覆診緊，真係真心好多謝佢🙏

簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 值得向有需要人仕推介