經歷詳述:
預約左都要被人打尖，呆等一個鐘，睇左五分鐘，收費一千大元。
一個月之前已經預約到診時間，因為工作原因特登預約朝早九點九睇第一個時間。早上因天雨關係比預期遲左幾分鐘到達診所，期間並無收診所電話confirm，去到發現牙醫已經為一個無預約的家庭睇緊。
嗰個家庭一行三人，阿媽睇完到阿女，我坐左係度等左一個鐘，無人同我解釋半句點解我俾人打左尖，亦無跡象幾時會輪到我。問姑娘幾時有得睇，佢話好快得。我同佢解釋我本身應該第一個睇，而且趕住要返工，最多再過半個鐘就要走，佢既回應係“得架了，洗牙同整牙膠好快，幾分鐘就得架了“
最後等到十點五十分先到我，入到去只夠時間整個牙膠模，成個過程五分鐘。一路幫我整個牙醫仲要同出面講，“呢個得了，阿哥(一行三人中既阿哥)唔好走“
除非你有好多時間又想涼一兩個鐘既免費冷氣，否則建議唔好去。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧