經歷詳述:
本人於運動時受傷，引致左腳腳筋斷裂，錢醫生細心解釋，手術過程及可能引發的併發症，亦都緊急安排手術，本身非急症佢嘅case新症已經排到六月底，但係佢見我緊急case，幫我插隊即刻有得睇。

醫生解釋好親切好清晰，會細心聆聽我嘅問題然後作出解釋，同埋好有幽默感，會令到我冇咁緊張。手術後傷口比預期中細，醫生亦會親自與醫院內每日幫我檢查，醫生好好咁樣會安排物理治療啦，教我返屋企之後點樣用拐杖，同埋會細心咁諗點樣可以沖到涼，同埋佢會好有耐性，喺巡房嘅時候聽我嘅問題逐一解答。

另外，通常其他人做咗手術都要着一對特別嘅鞋，係膠嘅比較重保住個傷口，個樣似滾軸溜冰鞋，醫生好特別佢係唔需要我着呢對鞋嘅，可以節省無謂的成本。我個人覺得因為對鞋其實着完之後第日都唔會載着，同埋呢對鞋比較重呢其實唔適合手術後即刻着住，暫時術後一個月都未行得但係，好似真係唔需要對咁嘅鞋，這醫生係唔會要你買啲無謂野囉。本人非常推介錢醫生👍🏼
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介