經歷詳述:
我本身個鼻好扁山根位又低，所以想去隆鼻希望個鼻睇落高返啲。之前上網比較過幾個醫生，打過電話去問價，普遍都要成十萬蚊或以上。當中曾醫生嘅價位最合理，網上評價亦好好，所以就揀左佢了。


做手術前見左醫生兩次，第一次曾醫生細心向我講解有關隆鼻嘅資訊，令我對隆鼻手術嘅概念更加清晰。第二次面診，曾醫生俾左個L型矽膠我睇，矽膠係美國製造加上係大牌子，比較有信心。然後曾醫生幫我度位，因為要就住我鼻型幫我削舊矽膠。我同醫生講希望個鼻自然啲，唔要尖唔然翹。然後就預約左半個月後做手術，到時就會睇到舊矽膠嘅形狀。

終於到左手術當日，我望到矽膠個shape覺得好滿意。經雕塑後個形狀唔會好尖好高，個弧度好順好自然，唔係間尺鼻好假嘅形狀。手術過程中打麻醉針係最痛嘅(局部麻醉)，之後都無乜感覺到痛楚。做完手術後，曾醫生同護士都細心向我講解術後護理程序，教我點洗傷口提我要準時食藥等等。然後預約左七日後返去拆線，到時就睇到個鼻嘅初部效果。

手術後頭一兩日係好腫，過左三四日就漸漸睇到個鼻嘅雛形。第七日拆完線撕左膠布，睇到個鼻係超級超級自然，完全係我想要嘅效果。山根高左鼻樑又挺左，個弧度彎彎地好順眼，襯返我圓面型。成個輪廓出晒黎唔再係扁口扁面，但完全唔係蛇精假鼻效果。曾醫生話過多一段時間個鼻消晒腫，個效果會再自然啲仲好睇。

我真係超級滿意宜家個鼻，醫生嘅審美觀同手勢係好好好緊要，個鼻完全乎合我嘅要求。真係好慶幸搵左曾醫生，可能佢係女醫生所以好理解女人嘅需要，成功一次過搞掂個靚鼻。曾醫生係一個好有heart嘅醫生，會從病人角度出發提供專業意見，真係好多謝佢令我更滿意自己外表更有自信。護士嘅幫忙都好重要，佢地好nice好caring，態度專業。成個診症過程都好順暢好舒服自在，感覺非常好。我十分推薦曾醫生，日後有需要我一定會搵返佢。

簡評:
個人觀感- 醫術精湛、鉅細無遺
經歷過程- 醫生會從病人出發去提供意見
推介意見- 已視為本人的必然選擇