經歷詳述:
懷孕20+週，半夜兩邊腳輪住抽筋，冇覺好瞓，第二朝起身真係好攰，腳用唔到力，一落地就wing，撞親隻手。
我真係好想拎一日假紙休息下，一句得埋黎「唔得喎！抽下筋就番唔到工？」
然後開始睇我history，話我之前已經試過頭暈，腰痛，今次又腳抽筋，邊有人陀仔陀到你咁麻煩，下次跌親個b點算。
我唔知呢位醫生未陀過b唔知以上症狀只係正常，定係佢讀醫時冇讀過孕婦症狀，佢唔明白都算，但咁咒個病人真係好冇口德同好冇醫德！
雖然最後佢係有俾一日假紙我，但整個過程就好似受難一樣，語氣差，大聲，態度唔專業。
奉勸大肚婆避之則吉
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 可能人夾人緣自己衡量