經歷詳述:
第一次睇就已經不停推銷叫你買藥、回應他吾想食太多藥物、他就話個個老人家都係咁、血壓高就要食藥架啦、冇辨法！同他講在家量120，但响度量就160-180、他就話係要食藥！咁就唯有買了食、但食左好吾穩定、時高時低。再找他就叫我抽血檢查、3日後打來話要覆診、報告血脂、血糖、糖尿全部超高、當時好驚、去到診所他就話有隻血糖藥好靚叫我買、當時太擔心但冇買說考慮下！回家後同女兒講、女兒都嚇到、因本人生活檢點、數來清淡、後來女兒為我找很多資料食譜針對血脂、血糖、糖尿……我再次看份報告、發現“空腹糖尿”、就同女兒講（我係食完早餐、午餐先去抽血）女兒就同我講要空腹驗才準確、但他和姑娘從來冇同我講、所以女兒懐疑下再找另一化驗所空腹檢查、報告出了不但冇超出、醫生還說好健康、身體好好、女兒就叫我不要再睇他
簡評:
個人觀感- 診效不顯、收費不稱
經歷過程- 醫護之語調態度令人無所適從
推介意見- 本人絕對不會再作光顧