經歷詳述:
我求診兩個問題， 濕疹及脫髮。

醫生態度十分差，全程冇望過患處一眼。 有佢講冇我講，一開聲，就話佢等佢講埋先。 最基本，望聞問切，冇一樣做到， 你個醫生牌係咪淘寶淘番嚟呀?

到脫髮問題。 叫我自己諗，一係食藥，一係用髮水，但完全冇解釋兩者有咩成效同副作用， 仲叫我如果而家諗唔到返屋企諗下先，咁我使乜睇你。仲衰過自己走去藥房買。

最後姑娘竟然執錯咗支普通去頭皮洗髮水畀我， 好彩我望一望覺得唔對路返轉頭，換番枝生髮水畀我， 仲要係一支普通萬寧可以買到嘅安培生髮水。

譚醫生， 咁不如你一早同我講叫我自己出去買啲藥食，買支生髮水茶下係咪算囉，你唔好喺度呃錢啦。

真係未試過睇過一個咁不知所謂嘅醫生。如果有病仍然繼續搵佢醫，咁就祝你好運!
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧